2008年11月20日星期四

混沌

美國經濟進一步惡化,甚至可能步入通縮,資金擁入債市避險,令到息率跌至歷史新低,環球股市就大瀉,

美國核心消費物價指數,二十五年嚟首次下跌,擔心經濟陷入通縮,美國好大機會陷入「零」利率年代,引發市場恐慌情緒,避開高風險投資,國庫券成為資金避難所,帶動政府債券價格大幅上升。

美國兩年期債券孳息率跌穿1點05厘,係1976年有紀錄以嚟最低水平。

三十年債券價格大跌三大點,恕我入行多年來從未見過!

資金避險就令環球股市大跌,道指五年嚟首次跌穿八千點,摩根士丹利環球指數下跌百分之二,今年以嚟累積唔見左四成九,環球股市市值蒸發左三十二萬億美元。

唯一安全嘅資產除左國庫券,就係日圓同黃金,日圓升上95兌一美元,黃價亦重740美元一安士。

面對呢個歷嚟最大物價跌幅,令到伯南克最新任務可能係對抗通縮。

通縮,兼衰退,摩根大通預測,美國利率會見「零」水平。

聯邦基金利率目前只有1厘,摩通相信,聯儲局今年十二月最後一次議息議先減息半厘。

出年一月二十八號會議,再減多半厘。

而近期債券價格睇,市場亦預期會大幅減息,

如果息率減至「零」,聯儲局係咪無曬底牌呢?

摩通認為,聯儲局可能要改為依賴兩房,推低按揭利率。

但如果有留意伯南克嘅言論,佢擔任聯儲局主席前,曾經講過要刺激需求,一定要推低長期利率,亦即係將利息曲線「襟低」,包括為長債息率設定上限,呢項政策50年代曾經試過。
//////////////////////////////////
安全地方,仲有同美元掛勾,仲有晒百分百存款保障嘅港元。

龐大美元沽盤,令金管局一日七度出手,金管局話,龐大結餘,拆息維持低水平,希望可以舒緩借貸成本。

自從本港提供銀行存款百分百擔保後,資金寧願泊曬喺銀行體系結餘無息收,都買港紙。

金管局話,可能同投資者終止海外投資,將海外資金調回香港有關。

買美元,沽港元盤平倉外亦係原因之一

高盛證券話 ,基金要應付贖回,同大量投資要拆倉減低槓桿,亦觸發港元買盤。

但令人擔心的是,信貸環境不變,一旦資金流出銀行體系,拆息可能再抽高,影響唔可以忽視。

4 則留言:

港燦 說...

某銀行司庫話鉅額港元銀行體系結餘,與各種人民幣 NDF 合約玩家預期人民幣會輕微貶值,由過往沽港紙改為最近買入港元的操作。

人民幣 NDF 具體操作如何涉及港元,有無街坊可再深入點解釋一下 ?

匿名 說...

was 甘乃威 out of his mind? I nearly wanted to bash my tv when I saw him criticising 任志剛 in Legislative Council today..
all he concerns are his fxxking LB's minibonds, which are apparently worthless now..

匿名 說...

Mr. 甘 must be a 大苦主.

匿名 說...

是虎主