2008年11月20日星期四

金漆招牌


昨日先講巴郡唔會「摺」啩~?

點知巴郡單日股價每股唔見11000美元,係二十三年最大跌幅,而巴郡違約交易掉期CDS持續上升。

巴郡嘅股價,單日跌左一成二,已經係連跌八日,累積跌兩成半,跌至八萬四千美元一股,今年以嚟,股價累積跌左四成一,只係比大市下
跌四成半「好少少」。

漫長嘅熊市、仲未知幾時見底,市場都擔心,巴菲特一個錯誤嘅決定,會打破幾十年辛辛苦苦建立嘅股神招牌,令巴郡違約交易掉期嘅風險價格,由升到475個點子,兩個月嚟,急升咗兩倍幾。

其實除咗我地琴日提過一批CDS保險合約,專以執平貨見稱嘅巴菲特,最近都唔係得心應手,諗住趁9月金融股大跌,入股高盛,點知股價仲未止瀉,宜家嘅股價,已經係跌至九年前IPO 招股時嘅水平,比佢手頭果比認股證嘅行使價,仲要低一半有多。

之後再出擊吼咗好耐嘅通用電氣,認股證嘅行使價,都要高現價三成半。暫時嚟睇,巴菲特似乎出手過早,要先吃眼前虧。

近期呢兩宗入股,真係打破左佢善於執平貨嘅金漆招牌。連一向同佢友好嘅CNBC都話,股神呢排手風唔順。

不過睇番佢喺沽中石油一役,雖然都係沽早過,但最後都證明,決定係無錯嘅,股神嘅金漆招牌,可唔可以保得住,要拭目以待。

1 則留言:

匿名 說...

"An irresistible footnote: in 1971, pension fund managers invested a record 122% of net funds available in equities - at full prices they couldn’t buy enough of them. In 1974, after the bottom had fallen out, they committed a then record low of 21% to stocks."

http://www.berkshirehathaway.com/letters/1978.html