2008年11月27日星期四

「高人」

六呎七吋高嘅沃爾克確實係一個高人。

美國傳媒形容,佢係一個最獨立,最能向奧巴馬提供中肯意見嘅顧問。

79年出掌聯儲局時,沃爾克天時,地利,人和全部欠奉。

外交上有伊朗脅持人質事件,經濟面對高達百分之20.5通脹率,同超過10%失業率。

沃爾克二話不說,重手連番加息。

今日備受推許,但話說,當年一次嘅參議院聽證會,沃爾克一邊食雪咖,一邊被議員鬧佢加息大錯特錯,民主黨更批評,係佢一手令到卡特輸比列根。

盛傳當日有不少白宮,就用盡所有方法,軟硬兼施要沃爾克屈服。

好個Volcker,一於少理,繼續冷眼傍觀。

八七年離開聯儲局時,沃爾克講笑咁話,做公職搵唔到錢,再繼續,對唔往屋企人。

之後將火棒交左比格林斯潘。

外界認為佢黯然離開,但美國前證監會主席利維特曾經撰文,話如果無沃爾克嘅執著,同膽量、美國可能永遠走唔到高通脹,低生產力嘅困局。

可以說,格老「十多年的盛世」,沃爾克功勞是當之無愧。

對美國經濟貢獻,不止於解決通脹。

1971年,佢出任助理財長時,就協助尼爾遜取消金本位同固定匯率,令今日係全球貨幣嘅美元自由浮動。

無做聯儲局主席後,沃爾克無從商搵真銀,呢廿幾年大部分時間係做顧問。

曾經亦係前特首董建華國際顧問團成員之一。(呢個應係佢老人家最遺憾選擇。)

07年之前,大部分意見都會話,格林斯潘好過沃爾克。

比較兩人,格老完全相信市場可以解決一切,但沃爾克就抱有懷疑,亦一直堅持傳統銀行,同投資銀行一定要分開經營。

雷曼事件以嚟,沃爾克每星期,都同奧巴馬傾至少兩,3次電話,係奧巴馬最信賴嘅顧問。

連新星蓋特納亦選擇向佢問意見。

新成立嘅經濟復甦諮詢委員會有呢位高人領導,奧巴馬亦成功建立佢嘅星級財金班子,但外界依家擔心嘅係,太多好建議,唔熟經濟嘅奧巴馬,到底點取捨?

3 則留言:

匿名 說...

昨日主持在八點有線財經個lead 既vo 中將加息講左減息。

其實,moneycafe是否已變成有線財經既官方網站?點解將八點有線財經的內容放在這裡?

大時代的我

匿名 說...

0見識.0常識.0認識.0知識.更是0分析
唯有(五識0知青) !!!!!
懇請孫柏文講話時,唔好比五識0知青插咀講廢話,堅持,堅持講完哂自己睇法及意見,然後比五識0知青講 謝謝
更請有線電視糾正胡孟青插咀壞習慣 謝謝

匿名 說...

Agreed. Cutting into other's saying is rude and impolite.
To bbe fair, I cannot say Miss Wu , the chief host, is not up to job but sometimes she does give us some fun on "潮语" & "吟诗作对" in the programme. Also occassionally some behind the hidden market info and heard through the grapevine information are quite up to date.