紫血人

有步好棋唔行、真係一子錯喇....!

雅虎創辦人「楊致遠」,終於辭去行政總裁一職,無得做 "揸FIT人",而係留任做董事。

佢出任CEO 短短十七個月期間,拒絕微軟收購,令市場錯愕,因為微軟一度出價每股33美金,斥資總共400幾億美金,佢都唔制!

就係錯過呢一步! 而家YAHOO嘅股價,一度得番10蚊多啲,佢上任期間跌足六成! 無論股價同收購機會,都恨錯難返!

之後同GOOGLE 嘅合作計劃告吹,都增加董事局要換人嘅壓力。

雅虎,一個估計全球有超過三億人瀏覽嘅網站,改寫咗網絡發展,

雅虎嘅成功,令「楊致遠」躋身美國富豪行列,成為一個美籍華人成功創業嘅故事,

二千年網路全盛時期,雅虎市值曾經高達1400億美元,但近年業績一落千丈,楊致遠舊年六月,臨危受命,出任行政總裁。

上任十八個月,公司市值得番百幾億美元,楊致遠未能帶領公司,走出困境,夢想仲未完全達成,就要讓位。

楊致遠年初,拒絕微軟、以每股三十三美元高價收購嘅建議,備受批評,公司股價,跌到零三年初以嚟最低。

之後尋求同GOOGLE合作,又唔成功。「楊致遠」喺寫俾員工嘅信中話,佢會喺董事局,搵到繼任人選後離任,唔再係行政總裁,

不過諷刺嘅係,撤換楊致遠嘅消息傳出之後,雅虎嘅股價反彈過一成,睇嚟市場真係認為佢 "阻" 住地球轉。

當然係因為市場傳聞,話雅虎有可能重新同微軟再傾收購,先刺激股價大升。

睇嚟微軟真係要多謝楊致遠至啱!
//////////////////////////////
講左好多批評,Jerry 真係一事無成?

其實楊致遠當日願意擔任CEO,絕非他有個人野心,基本上他是非常樂意擔任一個掛名的Chief Yahoo!,而放更多時間在他心愛的高球上。當天他臨危受命,只是希望給予Sue Decker有更多時間,引證她有能力接任CEO,因此Jerry 先願意臨危受命。

之後楊致遠遇到的問題,相信是任何出色CEO都會叫苦連天: 全球最大軟件公司提出全面收購、最著名的獨立投資者揚言要炒自己、又要被監管機構釘上指違反反壟斷法。還有,就是整個網上廣告市場瞬間崩潰。

其實楊致遠在任期間,雅虎已經推行了連串改革,業績亦比市場預期理想,就連Icahn呢個麻煩人,都被他弄得妥妥當當,難道他真的毫無建樹?

說到拒絕微軟33美元收購價,其實並非如傳媒說只是楊致遠個人負責,因為整個交易是由全個董事會決定,按理,是集體負責吧?

唯一不明白,係楊致遠話,佢會永遠都會流住紫色嘅血。

真係想問,咩叫紫色嘅血?

留言

Seazon說…
不如問下特首咩係香港血
匿名說…
cos he just didnt inherit with a blue blood, just as simply as that.. haha
anyways, I am just curious why you guys can't display all the stocks with the graph you use to display the Heng Seng Index? That graph looks quite nice in general. Hopefully you guys can consider such possibility!
jerrylei說…
身為Yahoo的酋長.
當然流著紫色的血囉(Yahoo最初的顏色就是紫色)
大概是生為Yahoo人, 死也要當隻Yahoo鬼吧的意思
pakman說…
I met him once and talked to him before in 2005.

During his off days.

Seriously... he struck me as a very typical computer geek gotten really rich.
pakman說…
In fact... A typical guy... who just got really really rich.
亞羊說…
楊先生此舉動,引証一句:向Yahoo股民問責. 亞羊覺得同情佢,佢只是生不逢時..

試問回來,任何公司管理高層若未能處理公司,帶領最有利方向.結果.....

不過香港一眾上市公司,及各位主要問責高官,你話問責???? 佢話番你傻.. 你唔鐘意的話,可以唔買佢,或者走去別地方住.

吹咩.... 咩.... 咩....

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將