2008年11月24日星期一

Never sleeps

政府同花旗之間嘅討價還價,原來先係真正不眠不休咁進行。

呢場馬拉松式談判,原定喺周日中午公布,最後要午夜先達成協議。

事實再次證明,只要做得夠「大」,就有免死金牌!

其實喺上星期佢地股價累積跌左六成,只係得番三點七六美元時,市場都估花旗肯定要獲得拯救,不過估唔到係,規模之大,係歷嚟罕有!

今次花旗除左獲額外注資二百億美金,政府更破天荒擔保花旗超過三千億美金資產嘅潛在虧損。

財政部係喺亞洲時間中午、公布相當拯救方案,區內股市普遍回升,環球指數亦受帶動上升,由五年半低位反彈。

花旗自己就急升左四成。
///////////////////////
整個拯救花旗集團方案分兩部分:

方案最重要係當局承諾,會擔保花旗嘅資產面對潛在虧損。

美國傳媒形容,金融海嘯以嚟整個拯救行動嘅突破,雙方計算出花旗有3千零60億美金不良資產有潛在虧損。

美國財政部,聯邦存款保障機構、同聯儲局會共同承擔。頭百5億,由財政部,同聯邦存款保障機構攤佔,再虧損,由聯儲局獨力全數承擔。

被國有化,花旗高層以後嘅薪酬,要受政府限制。

另外,花旗未來3年派息政策亦受限制,由而家嘅16美仙,減到唔救一美仙股息。

如果花旗唔能夠履行向政府派息,當局並有權委任代表,進注董事會。

////////////////////////
不過今次可以成功拯救,除左因為係,花旗太大,唔可以有事,仲要多得前財長魯賓幫忙。

佢親自同財長保爾森商討,都係花旗成功獲救嘅關鍵。

聽聞魯賓喺花旗只有兩個秘書,不過唔好睇少佢地,所有收風嘅工作,都係由佢地負責,唔係魯賓點做今次「幕後玩家」!

呢次比AIG更大規模嘅拯救行動,花旗定出嘅策略、係兵分兩路游說,趕喺星期一開市前,回復市場信心。

集團執行委員會主席,即係前財長魯賓,佢先率領一批有影響力嘅花旗董事、同財長保爾森展開多次商討,確保佢支持拯救行動。

至於備受批評嘅行政總裁潘迪特,就同管理層,應付監管機構,以及國會嘅查詢。

論贏家,暫時要數「潘迪特」。事關,當局無好似拯救AIG時咁,一併要求高層人頭落地,保得著分工嘅潘迪特話,好感激財政部為首嘅官員幫花旗。

不過都有花旗股東係好不滿,話政府係用左納稅人嘅錢,去救一班蠢材。

無論如何,如果「TOO BIG TO FAIL」呢句說話,喺九月中雷曼前,美國可以學曉,過去呢兩個月股市就唔使跌得咁!

6 則留言:

亞羊 說...

一早話個廣告"(shareholder never sleeps"
現在股票除了可作牆紙外,可否用作床單呢??
另一句廣告話"回味好手細??"

"問多D,問淸楚,問多D"
是否又似曾相識??

咩... 咩... 咩...

市場維京人 說...

救咗花旗,35萬人得以暫且舒番口氣。睇下呢個星期四美國佬會唔會心情好咗,火雞都會食多 D ?

亞羊 說...

35萬人,包括香港個班銀行佬?定係個D員工??

可能有一晚good sleep.

不過美國佬仲要点處理車車...
又点睇??

信用咭???

沿途有你,白雪飛天....
各位. 一保一控 啦...

Aladdin 說...

Ha-haaa... CITI Never Sleeps!!

Great Heading!!

巴林 說...

都唔知仲有幾多企業要救 ....

匿名 說...

If you have a foolish son who is going to burn your house and all the houses around, what are you going to stop it. Are you going to kill him, stop him or take him to Disney or Ocean Park to play. If take it to the Disney, it costs few hundred. If not, someone died just because of fire, the loss is gonna be catastrope. So, what do you do??? No matter what, he is your son.......CitiBank