2008年12月31日星期三

海嘯12教訓

經歷過二零零八年,大家嘅身家唔見左一半之餘,有啲乜嘢體會呢﹖

華爾街日報話,有十二個教訓,所有投資者都要學識。

去年學識嘅第一個、亦係最重一個教訓,就係「信自己」。

過去你會比錢一啲投資顧問幫你投資,不過要記著,佢地唔會幫你嘅錢負任何責任。

第二個一脈相承、就係唔好信專材。

雖然全世界只有一個Madoff,但其他華爾街最醒嘅人,最少都要蝕四成,你仲可以信佢?

第三就唔明唔買,就好似兩房、同埋雷曼迷債,相信都唔使多解釋啦。

第四、係要增加,而唔係減少投資。因為喺高風險、低回報年代,只有多投資先可以追番你「唔見左嘅」。

第五就係唔好再相信呢個世界有「避風港」。

第六個就係信你祖母啦!

原來只有「一分一毫」咁蓄錢,先至係最實際。

第七就係信一個叫「P Smith」嘅人。

唔識佢唔緊要,呢個七十年代英國漫晝人物,原來一早教識我地無嘢係唔可能!

第八同第九可以一齊講,就係買債券同抗通脹債券。

無錯,悶係悶啲,不過夠晒安全。

第十個教訓係唔好務不必要嘅風險,如果最初諗著搏花旗同GM有反彈,你會係輸得最慘個個!

最後就係唔好再信任何預測、同學人「估底」。

特別係估底,有人估道指七千五百點係底部,不過相同嘅預測,喺一月、三月、七月、九月同十月都有人做過。

唔好疑懷,佢地一定有一日係啱嘅,問題係,你等唔等到?

4 則留言:

說...

我對呢十二個教訓... 好有保留

就算科學家同醫生都會有錯,因為佢地都只係凡人,但咁唔代表信自己會好過信佢地...

債券...美元唔死就美債死,呢樣曹仁超林行止施老闆異口同聲...

估底... 除非呢世都唔入市.. 或只係諗住牛市先高追?唔係既話,底... 仍然係要估...

說...

>>債券...美元唔死就美債死,呢樣曹仁超林行止施老闆異口同聲..

呢點會錯.. 如果華爾街日報講緊既唔係美債...

匿名 說...

听完人地讲的分析,自己加以分析咯。。。

大傻 說...

1.信自己之外,多聽成功投資者的意見也很重要。
2.同意唔好盡信專才,自己要思考,因為專才賺佣金的意欲大於幫你賺錢的意欲。
3.完全同意唔識唔好買。
4.要非常小心地選擇適當的時間才增加投資。
5.祖母當然是對的,儲會來的血汗錢,特別懂得珍惜。
6.安全避風港可以是屋企餅罐,2010年尾之前銀行也絕對安全,不要因為怕通脹胡亂冒險投資,高風險的投資比通脹可怕百倍。
7.唔識佢。
8,9.見仁見智。
10.唔敢估底,青姐話股票的底是零:p