2008年12月3日星期三

領過嘢

見過鬼會怕黑,上過賊船不敢再過河。中投公司「領過嘢」,自言不敢再金拈手金融股。

更唔好期望中國可以拯救世界。

舊年50億美元投資大摩,30億美元入股Blackstone百仕通,事隔一年投資已經無左四分之三。

手持二千億美元,全世界都睇住幾時出手,不過中國投資公司話,雖然歐美部分金融機構估值吸引,但佢地都唔敢再孤注一擲。

原因正如董事長樓繼偉所講,既然目前好的壞的金融機構也有擔保,作為外人根本難以辯別。最大件事是今天你買了它的股分,明日國家卻來將公司國有化,將公司資產抽空,死未?

樓繼偉話,歐美政府對金融機構嘅支持,缺乏連貫性,一個星期就變一次,呢方面,亦令佢失去信心。

全世界面臨經濟衰退,只有內地仍然保持高增長。

樓繼偉話,中國最多只可以自已救自已,要拯救世界係不可能。

數數中國投資公司,投資喺百仕通同摩根士丹利,已經唔見左六十億美元。

其他內地金融機構「走出去」、都係慘痛收場,好似係國家開發銀行,先寢以三十億美元入股巴克萊,不過隨著巴克萊供股集資、以及股價下挫,呢批投資已經唔見左八成,持股量攤薄到百分之三唔夠。

至於劉繼偉口中講嘅國有化事件,就要數平保,佢地投資富通,出現157億人民幣虧損。平保不滿,比利時等多國政府拯救富通後,將大部分資產出售,係變相充公資產。

目前市場有一種論調,認為美國經濟衰退,第一大強國已經失去動力,中國正是可以取代美國,加快人民幣資本帳,用人民幣取代美元儲備貨幣地位,肯定會令中國震撼世界。

這種想法其實相當危險,因為中國一旦開放資本帳,肯定要面對巨大升值壓力,不符目前內地要救出口的國情。

儲備貨幣,還是留給美元吧。

3 則留言:

匿名 說...

唔係儲備貨幣
好難說服人,我地己經大國兀起

匿名 說...

Where is Anthony Leung? What you convinced China to get into Blackrock needs an explanation? While you are still sitting in nice Blackrock office and zipping coffer pondering your investment in Estoril Court, do you feel some regrets and owe apologies to our Chinese people and their hard earned money.

匿名 說...

為何一定要在外國買投資項目???

為何把金錢用在中國人民身上,給人民多點教育,建鐵路,做多點防水工程等等,這不是投資項目嗎?