2008年12月5日星期五

經濟課


金融時報以「China lectures US on economy (中國俾左美國一堂經濟課)」為標題,形容得實在抵死。

作為美國政府換班前,最後一次中美戰略經濟對話。外國傳媒形容,中國佔盡主導之餘,立場亦轉為強勁。

人行行長周小川,喺會上用訓示嘅口吻,向保爾森指出,美國因為儲蓄過低、過度消費造成經濟結構性問題。

仲勸美國人以後儲的錢,唔好再搞雙赤。

王歧山,保爾森代表全球兩大經濟勢力。

王歧山會前,無好似上次咁喺記者面前,用好關心咁向保爾森問好。

反而預備一分聲明,要求美國保障中國喺美國嘅投資。

至於人民幣問題上,從匯價走勢,正如摩根大通所講,中方顯示左政治姿態。

財政部官員更話,與其講人民幣貶值問題,倒不如關心美元等主要貨幣波動,對全球包括中國有幾大影響更適合。

令外界意外係,美方再無好似以往咁、再以用「促請」字眼,要求人民幣升值。

金融時報評論話,中國過去兩年已經幫美國唔少,而家係時侯大家幫大家。

中投海外投資虧損,可能係中央一條刺。

第5輪會後聲明,罕有咁提到、美國歡迎中國主權基金、同中資銀行等嘅商業投資,而所有申請一視同仁。

保爾森之後更話,中國係美債主要投資者之一,佢唔認為,對中國嘅投資,對美國構成威脅。

以此判斷,人行大有藉口將人民幣貶值以保出口。不過金融時報形容,以目前中國仍然有巨額現金流入,現時選擇將人仔眨值,恐怕是連自己也欺騙了。

4 則留言:

匿名 說...

Why have to give face to the officials of an outgoing Government? China is wise to act in the right timing to give signals to Obama Government that China is no longer a country just to be told rather has to seek compromise with China before unilateral act by America.-SC

市場維京人 說...

中美會談係俾面派對。喺呢個地球村上面,we are people in the same boat, 好難獨善其身咯。

大傻 說...

王岐山訓示保爾森要多儲蓄,減少過度消費,保爾森大概心裡會說,我地國民洗慣嘆慣,唔崖得苦駕,叫他們儲錢談可容易,碌少D咭數都偷笑了,況且錢不一定要儲回來的,也可以是借回來的呀,環顧世界各國貨幣都不成氣候,只有美元還可以當國際貨幣,我們開印鈔機多印一些銀紙,發多一點國債不就成了,現在中國已取代日本,成為美國國債最大持有國,你也不想債仔有什麼東瓜豆腐呀,我們再發國債無論如何你要多買一點,助我們渡過難關呀。

匿名 說...

如果美國人多儲蓄,減少消費, 大陸的中小企只會死得更快, 加退稅, 人民幣貶值都救不了.