2009年1月2日星期五

必買股?

道指喺08年跌咗三成半,成分股中,幾乎全軍盡墨,得兩隻有得升。

估唔估到係咩?

無錯,就係以平取勝既WAL-MART同麥當勞,分別升左一成半同百分之五。

所以財富今年揀出既七大必勝行業,快餐店同折扣店,繼續榜上有名,例如麥當奴之前推出過既一美金套餐,
就贏低下階層口味。

而折扣店亦係逆市奇葩,好似標普成分股中升得最好既「FAMILY DOLLAR」,舊年收入就增加左百分之六,沃爾瑪收入亦增加左百分之三。

其他財富認為必勝行業,仲有電視遊戲、 化妝品、廢料處理同教育行業。

講到十大必買股分,財富都有推介,好似係戴爾電腦,佢地認為掌陀人「米高戴爾」重返公司一年多,成功控制成本,更重要係、佢地有七十億美元淨現金。

另外兩間公司都同油價有關。

財富話,油價跌到呢個水平應該跌夠,佢地建議買石油公司DEVON、同做離岸勘探既DIAMOND。

其他十大必買股都應有盡有,好似有做房地產投資信託既對沖基金,貪佢買既都係政府擔保左、或者係國有化左既按揭債券。

其他有醫療、消費同基建股,其實背後睇中,都係奧巴馬呢位候任總統即將推出既刺激經濟方案。

1 則留言:

匿名 說...

The same logic on sectors that are worth to invest can also be applied to Hong Kong or Mainland China Bourse in 2009.-SC