2009年1月8日星期四

潮退

巴菲特說,只有潮退了,才知道誰在裸泳。

年多前大家將李嘉誠同李兆基做比較,共識都係誠哥太保守啦,只有四叔先可以獨步股壇,贏盡股神稱號。

年多後,當金融海嘯打到來,才知道是誰沒有著褲。

到底大手沽中行,李嘉誠係咪睇淡後市呢? 李嘉誠基金會話,旗下組合眾多,沽貨只係正常資金調配。

今次佢沽出廿億股中行,雖然以下限定價,更只得40多名投資者落單,遠比美銀沽建行反應差。

但佢早已立進不敗之地,因為呢批股分早人一步,他是在05年中行上市前,透過夥拍RBS,能夠以只係1倍多的帳面值買入呢批股分,成本大約每股一個一毫3,比其他投資者上市時買入價低超過一蚊。

單計淨賺17億,回報7成半,根本唔需要理會什麼招股價、折扣價,因為一早已贏盡所有人。

正如華爾街日報專欄所講,李嘉誠每次買賣時間掌握極佳,睇市極準,今次趁其他股東沽貨前沽貨,既明智亦唔可以忽視。

07年9月,眾人皆股之際,李嘉誠趁高位,接連沽清上市時認購嘅中遠洋,中海集運,同南方航空。

沽貨時間,比巴非特沽中石油仲要準,最令市場津津樂道。

就連增持時機亦異常準確,根據記錄,佢近期股市增持行動,要數番舊年九月起,幾次增持長實,每股成本同現水平差唔多。

11月大約37蚊兩度增持和黃,依家帳面仲有錢賺。

不過誠哥間中都有失手,好似05年,中人壽上市滿一年,禁售期一過,隨即以5個幾沽清,就令佢賺少好多。

但調轉講,佢老人家寧願少賺一些,總好過你五十蚊先來追貨。

講返轉頭,誠哥近日不止股票減磅,就連本港一些發展地盤、以至和黃在上海商鋪,都一樣掉貨,呢個係咪值得大家參考參考?

4 則留言:

匿名 說...

Who is smarter is not judged by the level of wealth but the level of how to spend and for what? A happy man always has his family members wearing smile all the time. I do not admire those sit on big wealth but carrying stern faces and asked you from which press or newspaper you are coming from.- SC

亞羊 說...

或都佢老人家手緊....

和黃一向負債高,又可能匯率損失..
前途???

大傻 說...

隨著人行下調貸款基準利率,銀行息差收窄,人民幣一年期貸款利率5.31%,一年期存款利率2.25%,中行除持有次按相關資產,還有房利美和房地美的證券,真係瓣瓣中,分開撥都有排撥。經濟下滑,個人和企業的還款能力下降,但阿爺要放寬信貸,刺激經濟,中行又梗係要配合,唔可以關水喉,要放多D水,為不良貸款的撥備無可避免也要增加,依加又俾李超人減持,中行真係好難有運行。

匿名 說...

BOC is far more internationalized than ICBC,CCB and CMB. It is quite a natural process if we looked back the history that BOC had its London Branch operating dated back in 80s while the other three Banks were still working within the boundaries of China. I would be surprised if BOC was not hit by Freddie, Fannie and Subprime Loans.-SC