第二波

兩大美國金融機構,花旗同美銀,同時公布業績,兩分報表都一樣令市場震撼,單計花旗虧損就達到八十二億美元,而美銀亦十七年嚟,首次錄得季度虧損!

奇怪的是,雖然公布個一刻係有啲震撼,但似乎市場早對呢兩間公司業績心中有數,花旗公布業績後股價居然可以再升一成,似乎市場更看中的,是政府背後作出的巨額承擔。

由市場反應嚟睇,又真係幾受落,環球股市升幅顯注,MSCI環球指數八日以嚟首次回升,歐洲股市喺公布業績後都升到百分之三。

花旗集團第四季,淨虧損近八十三億美金,每股虧損一點七二美元。比預期一點三十美元多,亦係連續五季虧損。

一如預期,花旗正式宣布重組,集團一分為二。CITI會持有經紀,同資產管理業務,同風險較高嘅資產。傳統銀行業務這間資產質素較高公司,就撥歸另一間Citicorp經營。

正式象徵金融超市慨念已死。

花旗話,重組係要提升價值。將會進行改組。花旗同時宣布,舊年十二月,同政府定立嘅擔保協議,已經成為永久協議。財政部為首機構,會承擔集團三千億資產潛在虧損。

而啱啱獲政府第二輪注資嘅美國銀行、因為收購美林,錄得十七年嚟首次虧損,同時大幅削減派息,由原定三十二美仙、大幅降至只有一美仙。

即係 One Penny!

可笑的是,經過政府注資後,原本財政陷入困難的美銀,一級資本充足比率,居然會提高至百分之十點七。唔怪得匯控被人挫完又挫!

BOA應改名做 Bank of United Stated America。

美銀面對咁龐大虧損,唔怪得喺公布業績前、就先需要政府再注資二百億美金,同擔保一千億潛在虧損。

有證券行早就形容,美銀係下一間花旗,估唔到連拯救手法都係一樣,其實導致今日局面,要數番雷曼倒閉後,佢地收購嘅美林,虧損遠比預期大。想當日,美銀行政總裁劉易斯仲以為執到平貨,點知到十二月,先知大件事,佢今日都承認,如果唔係有政府肯擔保,收購美林交易早就告吹!

不過我地唔使過分悲觀,因為處理今次危機,有新人物登場,奧巴馬下星期就會宣誓就任第四十四屆總統,而佢喺上任前已經部署好眾多拯救方案,好似就確保到參議院順利可以比第二批救市基金順利發放,因此危機雖然大,但各國政府嘅救火隊,今次反應真係快左好多!

有分析員形容,業績愈差,就係反愈接近見底,呢個講法,就同半杯水理論一樣,係唔係?大家真係要好好諗諗。

留言

pakman說…
The Hong Kong government, if it wants to establish its credential...

Should sue those US and European government that is injecting money into their banks.

Sue them in the WTO courts.

This is a disgusting subsidies

But of course, we have guaranteed all of the deposits. So I guess let those who has no sinned, cast the first stone.
匿名說…
我不相信the above pakman is money cafe 的孙柏文
亞羊說…
繼續沽沽...

買金金...
匿名說…
Please read
http://hongkong-today.blogspot.com/

for views of HSBC fund raising which is worth reading.-SC
匿名說…
Nice one -SC, the article just hit the nail on the head, selling stakes of Bank of communication would be like killing the chicken that lay good eggs. LOL

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將