升官

戴維思決定離開做左十五年嘅渣打,加入政府,出任貿易促進及投資大臣。

英報話,今次係首相白高敦,「禮賢下士」,親自搵佢擔任呢個職位。佢希望透過戴維思嘅經驗,協助處理金融危機。

戴維思一直係白高敦最信任嘅顧問之一。

當日亦有分獻計,定出直接入股銀行救市方案,被國有化嘅蘇格蘭皇家銀行,原本亦搵過佢過檔,擔任主席。

英國每日電訊報報道,戴維思工作之一,就係協助政府盡快確保銀行恢復借貸。

英國評論形容戴維思經驗豐富,處事圓滑,可以幫到白高敦。

不過說來諷刺,戴維斯當日獻計國有化商業銀行,反而令渣打本身的資本充足比率低過對手,自己最終反過來要供股集資。

市場亦對國有化方案有好大質疑,認為是嚴重扭曲了市場機制同運作,日後的影響可能是相當深遠。

話說回來,93年由花旗過檔渣打嘅戴維思,一直係香港嘅「大好友」,亦是我們少數心服口服銀行家。

零三年沙士,已經調番英國,出任集團行政總裁嘅佢,喺香港被世衛解除疫區後即時嚟港。

佢當時話過,係想以行動支持香港。

但發現有問題,佢亦毫無留情批評。

雷曼迷你債券事件就係例子之一,身為特首經機會成員,佢係第一個銀行界肯公開講,事件唔應該太政治化,否則輸的就是全個香港。

戴維思對香港有感情,而佢正正喺亞洲金融風暴期間調到香港,掌管中港業務,當時可謂危機處處。

01年升做集團行政總裁後,第二年,佢就將渣打喺香港雙重上市。幾年間股價節節上升之餘,亦吸引入新加坡淡馬鍚成為策略投資者。

緊持發展新興市場,令渣打喺金融海嘯中,成為受影響較細嘅銀行。

戴維思熱愛長跑,佢話會懷念喺渣打嘅日子。

我們也會懷念這位真心待港的銀行家。

留言

匿名說…
I have come across Mervyn and has no doubt whatsoever his capabilities to manage a bank successfully. But whether his knowledge, skills and veteran experiences in Standard Chartered and CitiBank could be useful and fully exploited are yet to be seen. -SC

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將