2009年1月5日星期一

Obamanomics

好個「奧巴馬」,09年一到,就送給所有市場一個新希望。

這符合了一個「偉大總統的所有條件: 能言善道、知人善任、巧言令語、玉樹臨風.......最重要係掌握時機、造就時勢。

一月二十日未到,奧巴馬就知遁如何掌握輿論,以及如果影響市場,同時又做到淡化理察森事件負面影響,可謂一箭三鵬,漂亮之極!

其實七千多億美元刺激經濟方案中,並非新事物,只是他首次提到核心部分的三千一百億美元減稅方案。

這個佔方案四成部分,精采之處是商界同個人都會受惠,同時又比布殊方案出色。

構思之一係、透過暫停繳付總值1400億美元嘅入息稅,相當於每名納稅人,免交500美元。

好明顯,方案係可以即時提高美國人嘅消費力,唔似得舊年布殊嘅刺激經濟方案,納稅人要等退稅支票寄到手,先可以消費。

企業方面,如果增聘人手,會額外獲得稅務優惠,預計呢部分涉及最多五百億美元。其他仲會為肯增加新投資嘅企業提供稅務優惠。

企業仲可以回撥過去五年稅款,焦點係設計到只幫助有需要企業。

雖然喬治布殊喺零一年上任時,都曾經提出1萬3千5百億美元嘅減稅計劃,但就要分十年「執行」,如果淨係計佢上任頭兩年,喬治布殊政府嘅減稅規模,只有1740億美元。

其實都無咩人仲會記得布殊個方案吧?

至於七千幾億美元邊個找數? 留比下一代人啦!
///////////////////////////////////
相反,理查森事件,焦點無疑因為救市方案而「模糊」了。

上個月獲提名做商務部長,仲表現充滿信心,但當時,佢已經捲入漩渦。

涉案嘅係加州、叫「C D R 金融產品」嘅商業機構。公司喺零四年,獲得新墨西哥州金融管理局,一分價值接近一百五十萬美元顧問合約。

奇怪嘅係,間公司,本來早喺第一輪嘅甄選就被淘汰,但當局後來重新招標,最後由理查森前左右手領導嘅委員會拍板,話間公司至係不二之選。

理查森收過間金融機構合共十一萬美元捐款,聯邦大陪審團,而家調查緊,間公司係咪透過理查森或者佢嘅助手施壓,獲得合約。

其實奧巴馬舊年十一月底、率先公布新政府內閣經濟班子名單,當時已經有古怪。

在各主要職位都陸續公布,唯獨是商務部長一職,要過咗個幾星期,至正式宣布,而家睇番先令人仿然大悟。

3 則留言:

匿名 說...

moneycafe,
Can you really do pay attention to our concerns and suggestions?
1, we were looking for 2 tickers for any airtime, (eg. after 8pm) Obviously, you can keep one info ticker and one stocks' ticker at night (just like the morning mode)
2, can you guys try to add the time signal onto the screen?
3, most importantly, are you guys really not going to change the theme colour, cos I would say audiences really won't stick to your channel for long, as the red colour really hurts the eyes, really pls do consider the possibilty of changing all the red colours into blue or so.

Thanks.

匿名 說...

能言轨道, 知人忌才, 巧言令色, 大树压顶 也祗是一线之查, 以后就要看美国的一场造化.但我还是有信心奧巴馬会带领美国走出困局-SC

匿名 說...

你的说法令我想起 Money Cafe 某位主持人.