2009年2月5日星期四

真英雄

先賣下廣告,星期五cafe請到石Sir石鏡泉上來嘆咖啡,大家記得「擔定櫈仔霸頭位」。
///////////////////////
今年富豪榜榜首都係佢,長實主席李嘉誠、海嘯前識得大手減持股分,但都避唔過身家大縮水。

資產由三百二十億美金縮到百六億。

郭氏兄弟,身家無左五成半。

都唔夠四叔李兆基,資產蒸發超過六成。佢話過,唔希望人再稱佢做「亞洲股神」,變身成為你我一樣的「街坊股民」。

四十個富豪,身家加加埋埋無左五成四,由1790億美元,縮到得番820億美元

資產值有十億美元以上,由四十個,淨低十九個。

最誇張有信德主席何鴻燊,一年前仲豪花256萬投白松露菌,身家由九十億美元變十億美元,排名由第五,跌到十九。

啱啱通過私有化嘅電盈主席李澤階,身家算跌得少,只係無左兩成七,排名反而跳升8位。

跌廿六級、排榜尾嘅理文造紙主席李運強,因為公司受財務問題困撓,身家得番四億八千萬美元。
///////////////////////
海嘯專收有錢人,不過只要肯扒逆水,穩打穩札一樣大有可為,他們可能才是真英雄。

賣焗豬扒反亦可以令你成為富豪。

無錯,佢就係大家樂陳裕光。

基金經理話,經濟唔好,佢地反而最受惠,陳裕光較早前亦表明會逆市擴張。

佢憑5億六千萬美金身家,首次打入富豪榜,第35位。

新加入,仲有老牌紡織商羅氏家族後人,晶苑主席羅樂風。

可能大家對羅先生不大熟悉,不過肯定你我身上都有佢公司產品。

晶苑大客戶有H&M、馬莎、Gap、Uniqlo、Target、JCPenny......

再次證明,只要能夠專注本業,無論走街坊路線,抑或擁抱全球化的企業,一樣可以逆市擴張。

另一類值得我們羨慕,但不易學的,就是懂得見好就收的人。

經典有邢李火原,你看佢而家幾疏乎,思捷的問題好像再與他無關。

新上榜仲有永隆前大股東伍步剛,佢家族高價將永隆賣俾招商銀行,令伍步剛,同伍步高兩人加埋身家超過廿億美金,
比前年仲要多,可能係真正大羸家。

7 則留言:

匿名 說...

The findings of Forbes Asia is just part of the picture, the private wealth are never easily to be accurate and correct. When we look into those figures, we need to consider the quality of wealth as well. I have substantial doubt of the amount of Mr. Ho's wealth which down by 90%, according to the report.If he is willing to sell all of his assets, there must be a substantial premium, of course not to include all his wives and daughters. If Mr. Chan of Cafe de Coral wants to sell his holding, it must be at a discount. Remember those are just pork chops. If the market rebounds, Mr. Ho's rating will rise rapidly for sure. Of course, his beautiful daughters are taken into account-SC

匿名 說...

缩水,发水, 抢水, 掠水-這些企业道德观是否可以在這班富豪体现. 听就听的多,特别是超人所卖的房子,总是给人有這些感觉. 除了8号仔是今天主角, 还有4号仔的主席, 很少 很少听过会捐一点钱作一点慈善回愧社会.
反而我最敬佩的是默默努力的大部分的香港人.

匿名 說...

上面的朋友, 还有漏水.

匿名 說...

石Sir 只是个资深的评述员,没什么.
但有点意外点解石 Sir 出镜要喜出望外. 难道其他如施 Sir, 平叔 等等不重要不直一提吗! 难道间中出吓镜就要大事和重复的讲吗. 真可笑!!可能钓起来卖比较好. 其他嘉宾肯定心里不舒服.

匿名 說...

皆因石sir,曹仁超,Webb等最多只會亮聲不亮相,正所謂物以稀為貴,特別以前二人的江湖地位,施老闆,平叔豈有不舒服之理.

亞羊 說...

8 号私有後,改買聯通.

匿名 說...

看来其他嘉宾应重新定位,不应再上 Money Cafe 出镜. 倒不如在报章斋talk 也罢.反正没人会在斋talk时即是插你. 此乃物以旱为贵的定义.