2009年2月25日星期三

反周期

什麼是反經濟周期?

經濟逆轉,但政府無大幅縮減開支,就係曾俊華所指嘅反經濟周期策略。

02,03年財赤超過700億,之後一年仍然高達4百幾億。

面對金融海嘯,政府依家雖然預計未來5年,都會有綜合財赤,但高峰期最多只有400億,之後每年會遂步減少。

呢個預測係,政府假設2010至2013年,中期經濟增長仍然有百分之3.5。

好像羅家聰說,以目前日本台灣經濟早陷入蕭條,GDP大跌一成以上,政府真是太過樂觀。

政府消息指,佢地有打算賣資產,增加收入。

如果睇番政府收支預算,2011至12年起3個年度,每年出售資產收益突然大增至超過一百億。

但就算計埋呢益收益,財政儲備仍然下降,由依家嘅近5千億,預計到2013年,會跌至3千9百幾億水平。

至於財爺提出政府定期發債,亦令人摸不著頭腦。

政府對上一次發債,係零四年,五隧一橋債券,同政府零售債券,加埋超過2百億。

為左推動債市,政府決定,嚟緊會遂步發行政府債券。

但債券年期,金額,同分銷途徑,仲未決定到。

政府無講明債券集資所得用途,但表明會成立一個新基金,管理發債籌集到嘅資金,呢的錢,會同財政儲備分開管理,筆錢會放喺基金滾存一段時間。

目前本港債券市場流通量佔生產總值只有六至七成,遠低於美國,甚至新加坡。

而要獲納入計算環球政府債券指數,發債規模要2百億美金

依家本港最行最多係外匯基金票據,一年期有近半厘利息。

有意見指如果政府債券可以納入埋抵押品,息率應該更高。

不過這分預算實在有太多東西未有回應: 中小企的生計? 香港的競爭力? 中產的就業問題? 更重要是新一代的培訓? 是否每個大學生資助三千多元就能夠成為「黃大仙」?

1 則留言:

亞羊 說...

亞羊完全支持財爺新一份預算.

因佢唔係特首,佢唔會提出新政策(應該由特首做).

財爺應該知道香港今天最穩定收入是什麼,
是罰款...

例如:加煙稅,-酒稅,
(增請海關員)

請控煙辦,(起碼8000件)
現在所謂禁煙區,經常有人食煙.
捉一件,定額罰三千,控煙辦分三佰.

黃腳鴨.... (500件)
抄告票... 影快相, 捉醉酒駕駛??

監獄處.... 100件.
冇錢俾,可能都冇飯食,不如鎖佢入倉,起碼有飯食,冇謂擾亂治安.

完全實行,失業率即下降幾個百份点.
特首識唔識做好呢份工??

不過財爺應該想想MPF,中央化??
呢筆錢會否放水給中小企呢?
以解佢地点都借唔到錢,
由所謂什麼什麼基金改為直接放數給自己中小企,鼓勵過往一直供MPF.


咩... 咩... 咩...