2009年3月2日星期一

但願.......

由於流血不止,匯豐決定終止美國匯豐融資貸款業務,更話但願從來無收購過做成大錯嘅HOUSEHOLD...

我可唔可以話但願從來無買過匯豐.....

市場十分關注嘅匯豐業績,結果比市場預期差,全年賺得55億幾美金。盈利大跌七成。

匯豐亦一如所料,要宣布集資125億英鎊,相當於近千四億港元,

會每十二股「供」五股,供股價係廿八蚊港元,即係每手要供四千幾蚊。

要供股,仲要大幅減派息,第四次中期息得十美仙,較上一年度少咗七成四。

供股同減派息嘅消息公布後,滙豐喺倫敦嘅股價、急挫超過兩成,折算大約四十一港元。

多次話無集資需要,股價反而愈跌愈多,主席葛霖否認為錯失供股嘅最好時機。

唔使國家注資,代價係要供股破紀錄嘅1375億港元,一級核心資本比率先升至百分之八點五,不過單係供股都唔夠,派息亦要減,全年計係六十四美仙,減咗近三成,集團並且宣佈,零九年頭三季嘅股息都係八美仙。

但葛霖相信目前嘅息率仍有吸引力,有行估計派息率達5.7厘,派息仍係全球最高。

其實觸發匯豐供股兼改變多年嚟,減息有增無減嘅政策,係源於美國業務損手。

舊年,匯豐北美業務蝕左一百五十幾億美金。

零七年主動引爆次按問題,呢幾年匯豐一直堅持美國業務值得保留。

但一年又一年匯豐收購番嚟嘅業務,合共撇左超過280億美金,相當於2千幾億港紙,多過曬當年收購價。

匯豐舊年一口氣為美國業務再撇163億美金之餘,亦為過百億美金商譽,全數撥備。

事隔7年,當日以匯豐美國業務負責人身分,策劃收購HOSEHOLD嘅葛霖承認錯誤,話上咗寶貴一課。

匯豐決定,停止以HFC同Beneficial品牌喺美國承辦新的消費融資業務,關閉大部分有關分行,並且喺當地裁員6100人,涉及重組開支會超過二億美元。

葛霖話,當地貸款轉差情況,已經去年唔可以接受水平。

重組後,匯豐理講上唔需要再為美國業務注資,但佢地當地仲有一千億美金貸款組合,集團承認貸款仲有撇帳壓力。

5 則留言:

會計仔 說...

未有details 睇, 但初部睇盤數水份甚多

匿名 說...

0見識.0常識.0認識.0知識.更是0分析
唯獨五識0知青!!!!!

匿名 說...

Though I do not hold any shares of HSBC, it is one of few best banks left in the globe. Diversification into US is unavoidable but the timing of acquisition is too early only. In the long run, I have trust in this bank. -SC

匿名 說...

孫肥仔匯豐睇110蚊,
好在冇信佢,
唔係就慘啦

亞羊 說...

HSBC 沽.. 沽... 沽...