2009年3月16日星期一

掟電話,瞓梳化

星期二公開市場委員會議息會議前,伯南克罕有接受電視節目訪問。

佢話希望向國民表明,有信心,經濟可以渡過難關。

伯南克重申,經濟衰退有望喺今年結束,出年會改善。

伯南克話,知道美國人,對政府用大量資金,拯救金融機不滿,佢就係希望透過訪問解釋。

佢再次提到,呢年半以黎,最嬲就係要救AIG,更提到有幾次傾到AIG問題,嬲到「掟」電話。

伯南克承認雷曼倒閉,佢得到教訓,就係唔可以再俾大型金融機構倒閉,即係「Too big to Fail」,否則經濟會更差。

亦因為咁,即使幾嬲都好,佢地無可奈何,要4次注資AIG,三次救花旗。

伯南克話,佢唔係華爾街日身,但華爾街問題,波及全國。

情況等於一間屋,因為有人食煙著火,就快燒到隔離屋,大前題係先救火,之後再講負責問題。

佢話,好明顯金融機構呢場火仲燒緊。

伯南克亦好坦白,承認為左穩定信貸,聯儲局的確喺度「印銀紙」,但都係應付經濟危機嘅權宜之計。

伯南克承認,擔任主席一職困難,更透露金融海嘯以嚟,為左救市,試過好幾晚喺辦公室瞓梳化。

佢話會盡一切辦法,救熄呢場火。

雖然經濟未改善,但佢已經諗定,當市場穩定後,另一大問題係點調整過度寬鬆嘅貨幣政策,避免通脹失控。
//////////////////////////////
睇完段片,感覺係有人想打溫情牌,不過效果又真係幾好,睇得人有些FEEL!

難怪早前有調查話,美國財金官員之中,以蓋特納得分最低,連總統奧巴馬都唔合格,只有一個伯南克仲喺合格評分之內。

3 則留言:

市場維京人 說...

伯老咁坦誠講真話,抵加分啦!家下政客肯講老實話又有幾人?

咦?佢話對美國經濟有信心,可以渡過難關 ...... 係咪佢自己心入面嗰句㗎?

匿名 說...

Yes, "TOO BIG TO FAIL" is true but there are many ways to save a Corporation. One must be very angry if to spend half of the taxpayer money deep into the pockets of individuals rather to save the ailing Corporation. I feel sorry why Bernake had to sleep on the couch looking at the ceiling to figure what to do next?-SC

匿名 說...

so so sorry for bernake, you are the man. L