2009年3月14日星期六

實事求事

被受指責嘅U盤時段要取消,廿三号打後大戶要郁個市、成本貴好多。

因此,昨日沽空匯控金額大跌八成,只得番八百幾萬,證明幾乎無貨可沽。

不過、講真過去十個月,啲大鱷一早已食飽飽。

而家事後市場亦都照例、又要開始問責。港交所、認唔認罪?

似乎都無咩人需要問責。港交所總裁周文耀,好堅持無人需要為問題負責。

佢話當初競價時段諮詢根本做到足,當時市場亦係有要求設立競價時段,以同國際睇齊,而家有問題,就歸究取消係因應市況。

周總裁那句:「三萬點入市,有無人想過會跌至一萬點,熊市一定唔開心,但交易所不會想是否失敗或是否當初考慮不周詳。」

又係一次表演將問題核心轉移!而家問題唔係出現係有無競價時段,其實大家都同意要同國際市場睇齊,交易所係有責任推行競價時段,只係當初競價設計做得差,交易所在多次出事後亦一直唔肯聽市場意見,先至搞出個「大頭佛」!

業界話U盤時段,初當設計過分寬鬆,既無限制輸入指示價,亦無效法歐美設立隨機收市時段,成為全球最寬鬆地方,港交所有責任。

繼延長董事禁止買賣期後,港交所兩項政策,都喺極大反對聲音下讓步,甚至叫停。

政府話,市場環境有變,港交所要實事求事。

「傻強」今次又真係講番句啱聽的說話。

1 則留言:

匿名 說...

Next time, if there are interviews with big conglomerates, Cable should do the recording and let the viewers & shareholders to share the information. Let's not the host like Miss Wu forgot what have been asked after her handshake.