2009年3月12日星期四

氣難平

真係頂住條氣好耐,為何到今天港交所先知死?!

港交所取消實施唔夠一年嘅收市後競價時段,廿三號起生效,股市回復四點正式收市,希望避免匯豐供股權掛牌買賣後,會再有唔尋常交易。港交所話係回應市場關注,但機制取消後,市況仍然會波動。

匯豐33蚊MARK價事件成為觸發取消收市後競價時段嘅導火線。

匯豐「供股權」3月23日掛牌買賣為免供股權,同正股都有異動

港交所當日起暫停收市競價時段機制。改為恢復四點正式收市。

港交所會檢討整個收市競價時段機制,除左係咪用番競價時段上下限波幅百分之二方案外,隨機收市機制,即係喺競價時段期間,唔同股分,有採取唔同收市時間嘅機制,亦會研究,決定前會諮詢市場

事實上,單是我們這處都已經不止一次提到,現行的競價機制有很大問題,「每到四點就非常兇險」。

問題最大不是有沒有U盤,而是港交所嘅收市競價時段,比其他交易所寬鬆,無限制輸入買賣價,亦無跟歐美造法,有隨機收市機制,實行唔夠一年,引起極大爭議。大至藍籌,細至二三線股都曾經大幅異動。

倒數競價時段嘅混亂,最初由指數基金調整組合帶起,

舊年五月底,蒙古能源成為首隻競價時段經典異動股,因為加入MSCI指數。結果十分鐘嘅競價時段,股分由跌轉升之餘兼「創」埋創新高。

指數基金最後一刻調整組合,大至中電,建行,工行呢的藍籌股無一倖免。

港交所07年諮詢時,曾經話,機制夠透明,唔會引發造市。出左多次意外後,就死撐認為投資者真金白銀拿錢出來買賣,唔好有咁蠢同錢作對。

這個想法完全就是忽視了市場有很多時都是失效,加上人性恐慌,試想下多幾次U盤匯控大跌,仲有人敢供股? 到時大戶就可以以超低價掃入供股權,簡直同明搶無咩分別!

好了,今次到滙豐收市前一刻,被嘜低1成2,先觸發機制取消。

目前全球主要交易所都有收市競價時段,日本南韓同台灣,都有價格上下限波幅。

英國、德國同澳洲,就採用隨機收市。

係本港U盤時段,限制最少。

獨立股評人DAVID WEBB說他在擔任交易所董事時,多次建議港交所效法歐美、引入隨機收市,可惜港交所一直聽唔入耳。(這點最諷刺,個個都指WEBB經常影響港交所,如果今次交易所能夠聽佢意見,可能避得過次劫也說不定。)

經歷過Blackout同競價事件,應改不改、唔應改又改埋,港交所元氣早已大傷、失去了投資者、市場及政府信心,看來不止上市委員會、連整個交易所董事會、以至行政機關及法定權力,都有需要做一次徹底大改組。

青姐,你的眼淚肯定沒有白流。
/////////////////////////
股分喺競價時段成交,簡稱U盤。

考下大家,U係代表咩意思呢?

其實係收市競價時段、英文名稱CLOSING AUCTION、入面AUCTION嘅代號。

8 則留言:

匿名 說...

個制度一直都有問題ga 啦~~~
係要青姐流眼淚才知死~~~

自從(那天)開始,隻匯豐日日都升~~
青姐好野

匿名 說...

If a drop of tear can change the world, it must be very simple and naive!

匿名 說...

一颗子弹,道出了娱乐圈是何等的黑暗!
一个饭局,道出了赞助关系是何等重要!
东张西望,道出了电视台的偏帮和虚伪!
街头访问,道出了造马已再难说服大从!
各位!!醒醒吧!!

匿名 說...

假如一个普通的股评员能影响市场的运作和股价的上落,我们的市场一定发生问题.绝对同意先前的朋友说很多人的思围是何等的幼稚,何等的简单,何等的愚蠢.

匿名 說...

It was the last tear that broke the camel's back. Luckily the market is bigger than you two losers.

匿名 說...

English。。。

亞羊 說...

本來mark完價可以睇卡通片
喜羊羊與灰太狼.

之後.......

亞羊 說...

不如請蘇文峰,講HSBC獅子是否病了?

拆了皇后碼頭,導致尖沙咀,所謂尖角殺??