下馬

琴日先講過中信泰富,估唔到今天即時有新進展。

由炒燶外匯、到被商業罪案調查科搜查,市場關注中信泰富高層變動,今日終有定案。

榮智健決定辭任主席一職,即日生效。

而跟左榮智健二十年嘅董事總經理范鴻齡亦跟隨辭任。

兩個職位、都會由母公司北京中信集團、副董事長常振明接任。

炒輸外匯累計期權風波,令榮智健要離開佢創立咗近二十年嘅中信泰富。

榮智健嘅辭職函指,就商業罪案調查科、喺上星期五發出搜查令,要求中信泰富及董事提供資料,喺社會上產生咗好大影響。

一向自負的榮智健,明白到呢一刻,終於要面對呢個現實,自言相信退位讓賢對公司最有利。

至於范鴻齡,在辭職函指話同榮智健合作超過二十年深感榮幸,對佢給與機會一同創立中信泰富集團銘感於心。

所以深信喺榮智健請辭嘅同時,亦是佢辭任嘅適當時間。

其實榮智健今天要下馬,也非意料之外,由去年出事後的表現,可以用「死不悔改」形容,犯眾怒之餘,就連中央亦難耐其氣焰。

反而我信范鴻齡在事件中真的是受牽連居多,正如他自己所言,作為一名董事總經理,基本上連財務也管不了,只是有名無實,如今隨榮智健而去,既是留得清名,也是一種解脫吧?

可憐的是益了梁振英。
////////////////////////
一直聽聞榮智健手車都幾「辣」,今日所見果然名不虛傳。就係呢種鐘意跑馬、揸快車,榮智健有個花名,叫榮太子,相當反映到佢紅色資本家形像!

佢由堀起到而家退任,真係相當富傳奇,尤其係早年獲北京中信集團支持,近二十年嚟將中信泰富發展成擁有基建、地產、航空以至特鋼行業都有。

不過正係業務過於分散、公司經常轉型,曾經有分析員當面批評過榮智健業務無重心,當年佢仲反駡返個分析員唔識分析!

中信泰富作為第一代紅籌公司,榮智健父親係著名紅色資本家榮毅仁,87年加入中信泰富前身香港中信,靠著內地人脈同北京中信集團支持,一手策劃入股國泰、港龍、以至電訊盈科前身香港電訊,令中信泰富規模不斷壯大。

但過於分散亦容易變成無重心。

好似九十年代初,主力發展地產項目,發展又一城、中信大廈咁,但隨住金融風暴出現。

九八年開始,又轉型投資基建項目,分別買入多條隧道同大橋權益,但又相繼虧損。

到零五年,集團決定主力拓展澳洲特鋼業務,帶動盈利急升一倍,不過就正係因為要進軍澳洲,先令公司炒輸外匯Accumulator。
////////////////////////
而家榮智健同范鴻齡就辭左職,下一步會點?

按理有北京中信高層主政、之前市場憧憬嘅注資計劃好快會落賁,應該有幫助?

不過都要留意,針對中信泰富嘅調查仲未完,監管機構同警方仍會就事件責任、作出徹查。

留言

匿名說…
背後重有一個含意 : HK 作為祖國 "窗口" 的角色正式落畫,以後我地要自生自滅。
匿名說…
Just a note of caution to the Corporations in Hong Kong:

FX speculationor investment is always posed the greatest risks to a corporation which most executives but a light heart to it.Big loss is always coming after taste of small profit. What most people say you can win a candy but lose your plant. The FX market could be static for long time but when it moves, it can kill and bring down a corporation.-SC
匿名說…
Just a note of caution to the Corporations in Hong Kong:

FX speculation or investment is always posed the greatest risks to a corporation which most executives put a light heart to it. Big loss is always coming after a taste of small profit. What most people say one always win a candy but lose their plants afterward. The FX market could be static for long time but when it moves, it can kill and bring down a corporation.-SC

2009年04月09日 星期四 下午1:07
匿名說…
0見識.0常識.0認識.0知識.更是0分析
唯有五識0知青 !!!!!
Moneycafe說…
其實大家有無發現,近幾年內地國企的企業管丐理質素,是有增無減,企管水平直達國際水平。

是國家官僚制度出色? 是國有制最終勝過私有制? 還是問題根本未揭發?

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」