生還者

上星期先來間富國,盈利好過預期,到周一收市後就爆出間高盛。

第一季純利有16.6億美元,增長13%,每股盈利增長接近百分之5,比預期強勁好多。

雖然高盛強項投資銀行業務喺上一季只係賺左8.2億美元,大減三成,至於華爾街而家最多人聽到都腳軟的財富管理業務,收益亦同步減少接近三成。

反而值得大家留意,截至三月底,高盛嘅一級資本充足率幾近百分之16,總資本有超過2520億美元!

16%一級資本充足比率,簡直係強中之強,因此高盛先有條件,決定配股集資50億美元,加上其他嘅資金,用嚟償還政府向佢地注入嘅100億美元救市基金。

條件係要經監管機構批准,以及高盛通過政府對銀行業嘅壓力測試,先會向政府還錢。

不過如果揭返開十二月盤數(高盛分開公布),大家會發現十二時候呢個投行之中投行,一樣經歷非常艱難時期,單月就虧損左13億美元,好似佢地最自豪嘅Trading Desk,就唔見左近一億美元。

好在呢張Desk生性,輸左一鋪後即刻可以企番起身,喺第一季買賣商品、債券同貨幣就賺返七十一億,記著係美金,因此成間銀行先可以番生!

星期三我們有孫柏文,就解構下呢間最後生還者!

其實高盛可以話係金融海嘯下嘅典型生還者,今次率先表示計劃向政府償還救市基金,可以作為其他獲注資嘅金融機構嘅參考藍圖,對金融業嚟講,有積極意義,反映金融業最艱難嘅時期,已經過去。

當然好似金融時報所講,而家高盛SET 出來條「線」定得咁高,其他銀行要跟,都有好大困難,佢地真係海嘯最大贏家。

「生還者」仲有一個意義,就係高盛員工人數一年下來無左四千人,反而第一季員工compensation同 benefits,就增加左一成八,達到四十七億美元,因此剩下來的近二萬八千個員工,平均每人分到超過十六萬八千美元,即係多左兩成半,似乎呢批人,先係投行最終生還者!

留言

亞羊說…
呢D就係僕人政府及豬頭國人

最想學? 但永不能做到.

咩... 咩... 咩...
匿名說…
0見識.0常識.0認識.0知識.更是0分析
唯有五識0知青 !!!!!

唯有用到喊一招.博取人性感性一面.來達致出位目的 !!!!!
其他可以唔識.但只要識得哭.就可以當上分析員.就可以上位/出位 !!!
歎亂世 ! 歎亂世 ! 歎亂世 !
匿名說…
樓上的用心很惡啊

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」