豬二十之橋唔怕舊

倫敦G20曲終人散、結論令市場意外。

意外在、各國加強規管金融機構嘅決心。

更意外、係IMF頓時間成為會議嘅焦點、兼大贏家。

獲額外注資五千億,同時增加特別提款權規模2500億、水頭足、職權亦加大。

IMF總裁卡恩話、十幾年嚟被架空嘅角色終於轉變。

又話呢次嘅做法、令IMF升格等同另一間金融監管機構。

白高敦同奧巴馬形容、今次會議係對抗經濟衰退嘅「轉捩點」。

但係諾貝爾得主、克魯明唔認同。

佢話呢啲大埋頭會議,一向都講多過做,今次無錯向IMF注資、促進全球貿易等、都有助紓緩貧窮國家財政壓力。

不過克魯明話、執行細節未定、一切共識頂多只可以話係、有意思。

但係至少、各方首腦對結果相當滿意、就連威脅會議無成果、不惜退席嘅法國總統薩爾科齊都話收貨。

打?避稅天堂、攻出黑名單、以致加強規管對沖基金同評級機構,都正合歐盟成員心意。

另一個諾獎得主「斯蒂格理茨」形容、峰會象徵全球領袖承認,過去幾十年自由資本主義同放寬監管都係做錯,一個邁向全面監管嘅新時代已經開始。

今次嘅成功、邊個應得最大獎聲?

華爾街日報結論係奧巴馬。分析話、奧巴馬肯放低大美國主義包伏、係成功嘅原素。

再睇下中國,多個國家都想經濟相對較穩定嘅中國,向國際貨幣基金組織、注入多啲資金,但胡錦濤成功抗衡呢啲力量,維持注資四百億美元,仲得到英國首相白高敦公開表明,中國應該喺國際貨幣組織,享有更大話事權。

至於法國同德國會前擺出強硬姿態,堅持峰會必須要有實質承諾、加強金融監管,峰會結果出嚟、算係符合兩國嘅要求。

不過薩爾科齊原本想成立一個更有權力嘅國際監管機構,喺美國抗衡下,各國同意成立新嘅金融穩定委員會預警。

講返呢位騎呢總統,開會前扮晒強硬,警告如果各國唔同意加強規管,只係達成空洞的妥協,佢會離場抗議,到時只係會淨低一張空櫈!

「其實爾科齊」空櫈呢招,都唔係自創,係學1933年當時美國總統「羅斯福」,喺推出「新政」之前,又係喺一個國際會議上,威脅會喺會上離場,結果得償所願,所以「橋唔怕舊,最緊要受」!
//////////////////////////////////////
左咁耐、出年底全球拿出五萬億救經濟、相當於將出口推高百分之四。

講緊十幾位數字,不過經濟學人就大潑次水,話員今次成果算係有、好過無。

更重要係,到底IMF孭唔孭得起咁大責任?

更可否認係、啲錢點嚟、後遺症又會幾大?

留言

匿名說…
Don't we think it is kind of tactics between the western countries especially between US and France to make China feel that they have given favours to the Chinese not to put HK and Macau as tax evasion center.
In return for this favour, please spare us your money or buy our bonds.

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」