2009年5月27日星期三

你有咩好建議?

原本話一個月內會公布。

結果只是等了個多星期,財爺曾俊華就宣布預算案加碼,日子剛選在立法會周三動議「毋忘六四」以及對行政長官「代表整體香港人」遺憾動議前,加碼加鞭出台!

新措施加埋、涉及金額一百六十八億。

全香港打工仔、稅務負擔再減輕啲,退稅比率由五成、加碼到百分百退稅。

上限由六千蚊加到八千,會喺出年應繳稅款度扣。

政府會駛二十億、代交公屋租金兩個月,連二萬幾個交倍半或者雙倍租金嘅富戶都受惠,但佢地只係減免基本租金。

差餉原本寬減兩季、會再減多兩季,即係全年都有得減,每季每戶上限千五蚊。

政府亦會額外發放一個月綜援「雙糧」。

紓困措施亦會惠及中小企,由政府擔保嘅「信貸承保額」會由七成、上調至八成。

小曾強調呢個並非吊鹽水嘅計劃,係有助市民未來一段時間期度過難關。

佢又否認,派糖係為六四同七一降溫,原全無政治考慮 ....

最後,大家都知呢句係廢話。

曾俊華形容係非常時期用非常方法,加碼之後、紓困嘅力度大過好多政府,以佢自己條數計,兩次紓困可以帶動GDP百分之5增長。

其實財爺上次公布GDP時候都知,今次海嘯最大打擊的、並非市民大眾,而係針對性影響如出口、以及金融服務業。

上次自己口口聲話措施會係針對性,請問到底針對啲咩?

可能係「針對」拯救政府民望多一些。

羅家聰話,佢同意政府嘅紓困措施唔應該規模過大,但就話,幫助中產階層嘅措施應該較為針對性,主力協助一批失業、以及破產嘅中產人士轉型。
////////////////////////////
最令摸不著頭腦是,點解要資助埋富戶? 因為他們是中產?

我們問過兩個家庭,一個月入萬幾蚊,唔洗交稅,又可以免租兩個月,形容係喜出望外。

但係無攞綜援,又唔係住公屋嘅,就一毫子都慳唔到。

我們記者問曾俊華,點解唔幫下啲無住公屋嘅低收入家庭。

點知佢夠膽死反問:「你有咩好建議?」

完全係大曾上身!

死啦, 我七一都上啦!

3 則留言:

happy-gutterstar 說...

佢真係痴x線, 成日說聽人意見, 上一次預算案, 我同好多市民都有send意見比佢, 叫佢千其唔好再加綜援, 唔洗做野有人幫, 要做野有人幫, 保就業, 保佢條命, 唔洗做野既綜援人士(唔係無野做, 係唔做野), 佢地無業可失, 無薪可減, 點解要有雙糧, 而家最慘係做出口/金融果d, 今日比人減人工,明天唔知有無工開; 為何不保障我地就算失業一時三刻, 都唔洗賣左層樓? 我地打開工既, 一定唔會比自己失業o甘耐, 反之d大食懶, 唔做生埋一大堆, 伸手問人拎, 仲o甘好福利, 曾生係唔係想迫我地問政府拎?

匿名 說...

其實記者應該有備而來,大可告訴曾生之前賣出來廣告,不少市民提出不同意見,例如什麼什麼,為何他不聽,反而現在才問記者有什麼建議,就算記者建議了,他又是否會聽?
沒有政治考慮,那是基於什麼考慮,錢多派多一些嗎,是財務考慮嗎?回應民意,不是政治考慮嗎?
提問質素決定新聞質素。

大時代的我

亞羊 說...

大派銀紙....

三五七十萬......???

財富平分???或者個個分到亞李生個身家??

咩... 咩... 咩...