2009年5月27日星期三

點石成金

有炒開股嘅股民都知道,有一類板塊呢排升到飛天。

對於呢個新能源板塊,始作俑者可以係股神巴菲特。

大家都知佢一直奉行價值投資,點知佢旗下公司竟然大膽入股,做環保電動車嘅比亞廸,比亞廸自始就被點石成金,由股神宣布入股以來,足足喺短短8個月,升咗兩倍九。

其實真正要追祖溯元,搞出呢個新能源泡沫嘅,應該係美國總統奧巴馬。

喺佢舊年大選政綱入面,能源政策係僅次於金融危機嘅第二大焦點,佢主張美國要大力投資發展太陽能、風能等等可再生能源,同時推動汽車嘅節能改造。

佢多次強調,呢個全新產業會催生幾百萬個就業職位。

因此話唔定股神都係睇到奧巴馬盤棋,動悉先機,至入股比亞廸。

作為能源消耗主要大國嘅中國,新能源都係中央大力支持行業,有消息指,發改委正草擬一分新能源振興規劃方案,將風能、太陽能同核能嘅產能喺2020年前提升,最快會喺今個月尾上報國務院。

有研究指將風電產能提升最多四倍,太陽能提升十倍,核能仲會提升七成半。

不過,原來現時內地採用得最多嘅再生能源,係水力發電。

呢個「水資源」佔咗全國發電量嘅一成六,其他新能源加埋,佔3%都唔夠。

不過要小心,新能源炒到起晒泡,會唔會隨時爆煲,目前70家喺A股市場上市嘅新能源股分,今年累計已經升咗九成,四成股分股價已經翻一翻,計預測PE,平均都有230倍。

即使係比亞廸,家吓預測PE都有43倍。

場面原全係似層相識,令人諗起、二千年科網泡沫咁牙煙。

可能有一個分別是科網股炒到慶烚烚嗰時,大家淨係聽到B2C,B2B,但無PE,因為好多都係蝕錢公司,當時連巴菲特對呢類公司都不屑一顧,但對於新能源前景,佢先真正另眼相看。

有喺內地管理私募基金嘅基金經理話,玩新能源概念,就好似玩風險投資,究竟未來邊類新能源跑出,成為全球主要能源,都係未知之數。

1 則留言:

kin sun 說...

0見識.0常識.0認識.0知識.更是0分析
唯獨五識0知青 ! 嘆亂世 !
奉勸五識0知青一句,唔好再用喊呢蕉,因第一次天才第二次就蠢才,用喊來出位成機賺大錢,這種行為同乞丐沒分別,都是利用他人同情心來搵錢,分別係乞丐負擔不起廣告費沒法利用媒體,但五識0知青就利用自己主持節目作為免費傳播 ! 真聰明 ? 乞兒登廣告