2009年6月5日星期五

逃生門

美國最新公布就業數據,由於減少職位少過預期,只係無左34萬5千個,係8個月以來最少,無論債市、匯市都出現大幅波動。

看住路透部報價,10年債息由3.75厘上到3.8厘,跟住上到3.88厘,最後沖埋上3.9厘,突破六個月高位,利率期貨更反映出年一月就會加息,好像告訴大家經濟真的復蘇了。

慢著,失業率不是上到9.4%,是83年以來最高,時薪仍然下跌,企業仲喺度裁員。

市場隨即又回歸平靜。

話說回來,仲記唔記得任總喺佢最近一次「七點半」簡報中,提過其中一個佢最擔憂地方,係聯儲局點係撤出而家量化寬鬆政策!

今期經濟學人都有批評,話其實係聯儲局主席伯南克自己一手做成!

咁咪即係「賊喊捉賊」? 伯南克星期三先講過,債息急升,原因係市場擔心財赤不斷上市。

經濟學人就批評,聯儲局推行嘅所謂「量化寬鬆」政策,根本就係印銀紙,目標係透過收購國庫券同企業債券,推低利率。

不過大量銀根,就令銀行儲備由往日平均一百億美元,增加至九千億美元,銀根過分充裕結果做成通脹預期。

經濟學人認為,通脹預期先係真正推高債券息率原因,好似係美國十年期國庫券息率,回落左兩日後又再回升,同財政部發行、抗通脹票據息差,拉闊到近兩厘,反映市場預期未來通脹率會係百分之二。

喺舊年底,呢個差距係零。

債券孳息曲線,即係所謂兩年期同十年期息差,更拉闊至兩厘七九歷史新高,反映投資者喺通脹預期下,對長年期債券、要求更高回報。

太平洋資產管理話,通脹始終會重臨,投資者買債「宜短不宜長」。

伯南克領導嘅聯儲局,曾經被稱金融海嘯「救火隊」中堅成員。經濟學人話,做消防員,進入火場,第一件要知嘅事,係逃生路徑。

好明顯,伯南克唔識咁做。

要退出市場,經濟學人建議,聯儲局可以喺目前超過二萬美元嘅資產負債表中,向借錢銀行罰息,減少備用信貸。

但要減少持有嘅證券資產,就可能引起市場震盪。佢地建議聯儲局可以繞過財政部,直接發行三十日嘅短期票據、透過回購協議,將呢啲票據轉售比投資者,減少對市場震盪。

3 則留言:

匿名 說...

Dear Moneycafe,

Will 蔡展翔 host anymore programmes on a daily basis? It's such a pity just to see her hosting special programmes. Btw, why you guys place that programme on Sat? Frankly speaking, I reckon not many will stay home and watch it during the weekend. I suggest you better broadcast it sometime during the weekdays, and maybe do it once a week.

匿名 說...

香港人太幼稚!
试问平反的定义是什么?悼念是一回事!,平反是另外一件事. 不能混在一起!
民主,贪污,屠杀,不公,悼念 把所有都放在平反的头上处. 试问谁给你平反.谁会承担64 是个错误呢?我们应该理性分析, 一个远动是非常的复杂. 不能单说平反就定性对与错. 世上不是只有黑白或不是非黑即白,而且還有很大的灰色地帶。
我本人绝对支持民主,但是民主是要过程, 试看看西方历史, 谁不是经过漫长的痛苦呢!社会从来是不公平. 64是直得我们思考,但最重要是社会安定. 人民能得到安饱.
当我们忙着 呐喊64 如何如何!周边城市如台湾,上海,新加坡正用尽努力跟大陆搞经济. 试问假如香港是一个难以控制或管理的地方,试问中央政府会放心把经济重心放到香港处吗?什么人民币结算中心,或扩大自由行和其他也是空谈!!!
最终受害还是我们香港人,特别是低收入的平民百姓. 请三思!!!!!

2009年06月08日 星期一 下午1:08

匿名 說...

上面的朋友说的太对! 假如没个人进入维園参加64 都要5,000元入场费,试问谁也不肯给. 但其实每人确实暗地以赔了5,000元也不知道.可悲!