撤出的藝術
今期經濟學人封面值得大家細心去看。
一個正在學爬的Baby，本來就是專心向前行，但奈何腳上鎖住一個大鐵球，就係象徵世人借貸過多、呢一代人根本還唔起錢，要下一代、未出世就要孭債。
經濟學人話，以今日十大發達國家計算，國債佔GDP比重，會由而家百分之七十八，增加至五年後百分之一百一十四，每個市民都要孭起最少五萬美金債務，實在是非常可悲!
美債息上升，正係反映投資者對通脹前景憂慮，呢個亦都成為八國財長會議嘅核心爭拗。
經過兩日會議，八國集團財長聯合聲明雖然同意、需要開始研究逐漸解除早前用嚟應對金融危機嘅措施，不過英美同歐洲之間仍然就撤出嘅時間有顯注分歧。
美國財長蓋特納重申、保持增長仍然係政策重點，而家係太早說經濟會全面復蘇，要撤出剌激經濟方案更是不可行。不過德法財長對於蓋特納說法就大不以為然，表明他們更擔心通脹惡化。
撤出的問題又何止令蓋特納苦惱，聯儲局主席伯南克亦會在月底公開市場委員會會議，討論點解決呢個「撤出的藝術」。
聯儲局內部認為，經濟已經開始回復正常。所以唔會再大規模增加回購債券，同按揭資產嘅計劃。
聯儲局較早前計劃，八月底前收購三千億美金國債，同按揭資產，依家進行左一半有多，當局係咪執行回購政策，可以視乎經濟情況，彈性處理。
而月底會議亦會討論點樣有秩序，退出量化寬鬆政策。
對於今次退出的時機，經濟學人提出日本的經歷絕對要引以為鑑，當年政府希望透過加稅，增加消費稅了及其他稅項，結果對剛復蘇的經濟又變成一池死水，最終出現了所謂迷失十年。
經濟學人提出，可以考慮透過政府公開承諾，向公眾交代削減開支的方案，一旦經濟復蘇就要撤出市場，只有持之以衡執行方案，這樣做才能贏取公眾的信任。
不過對於一個政客來說，一個這樣的政治承諾幾等同政治自殺，試問又有誰有這個膽量?
留言