公開的秘密

被稱為超級星期四,一連串影響全球股市、匯市、債市、商品市場的數據,全部舉足輕重。

記者會喺朝早十點至開始,但多分內地報章,早喺記者會前幾個鐘頭、已經大肆報道,內地第二季經濟會增長達百分之7點9。

當然,消息全數準確。

報道仲不諱言公開消息來源,話係嚟自星期三一個研討會,一位權威人士援引引國家統計局相關人士嘅資料,路透社亦喺朝早轉載呢段消息。

之後路透社嘅記者,就喺記者會質疑,係咪有人違反中國法律,洩露國家機密。

內地喺重要經濟數據發表前,有傳媒事先報道,其實已經唔係第一次。

舊年七月,同樣嘅數據,路透社早喺記者會前一個星期,已經引述官方消息、率先透露通脹同經濟增長率。

當時國家統計局回應指,絕對唔可能提前泄露,但無提過係咪有人要受罰,當然事件最終亦不了了之。

唔止經濟數據,證券市場提前泄露更係屢見不鮮。

最經典要數零七年「港股直通車」,喺外管局公布前一個交易日,恆指單日戲劇性出現V型反彈,傳聞就有唔少內地資金預先入市。

而喺前年5月,提高印花稅嘅傳聞亦廣為流傳,當時財政部同國家稅務總局都公開否認,刺激A股創出歷史新高。

但到五月底晚上公佈嘅印花稅調整,就同傳聞完全一樣,觸發股市下跌,事後有人甚至發起到財政部抗議。

有唔少網友都話,喺中國,根本係無機密可言。

又點到你唔信?

留言

亞羊說…
今年來個港股回歸車,國家機密...
反正呢個Blog在國內又睇唔到,冇事...


一來可控制資金流出...

又可以令個市升升升...

多好??

咩... 咩... 咩...
匿名說…
It is not totally unfair to charge withholding tax to H shares. Our Financial Secretary, SFC & HKEX should take it up to the Central Government on Hong Kong's behalf.

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將