一個政治家的誕生

潮流興新版面,連Yahoo!用左三年都改,我地都試下改改版面,希望唔使咁悶。
///////////////////
一場金融海嘯,將一個書生學者變成一個真正政治家。

伯南克到國會前提早公開,學懂喺華爾街日報撰文,表明自己立場。

呢招就係先減低震蕩,降低預期。

佢指經濟有明顯回穩跡象,但仍然疲弱,相信量化寬鬆貨幣政策要維持一段長時間。

一旦經濟持續復蘇,聯儲局隨時準備撤出量化寬鬆政策。而關鍵就在於,聯儲局點處於目前龐大嘅資產負債表

金融危機爆發以嚟,聯儲局透過回購債務工具,以及拆出短期資金。

大量印銀紙之下,單係金融機構存放喺聯儲局嘅剩餘儲備,就有超過8千億美金,伯南克話,避免通脹,一定要從呢筆錢著手。

佢話如果無任何措施,筆錢要幾年時間,先會減少至正常水平。

金融機構依家將錢存放聯儲局有四分一厘利息收到,伯南克話聯儲局可以透過加息、向金融機構提供較市場為高嘅利率,佢地自然會將錢繼續泊喺聯儲局收息,唔會借出去,咁係避免信貸氾濫嘅其中一個方法。

另外,聯儲局亦可以用逆向回購方式,發行票據,吸走部分資金。

又或者係向金融機構發行存款票據,令剩餘資金,唔會流出市場。

仲有一招係財政部透過聯儲局發票據,甚至以公開市場運作方式,都可以有助撤出量化寬鬆政策。

伯南克提到五招「撒出市場」策略,目的都係要縮減聯儲局資產負債表規模,喺市場上抽資,既避免直接加息打死剛出現的綠芽,亦可以向外界表明,自己有「貨」喺手,調控工具可以隨時出招。

至於幾時落實撤出策略,就要視乎經濟復甦嘅步伐。

言外之音係話,唔係由佢作主。

分析指,掌握撒出策略嘅時機,難度好高,目前市場最信得過人選,除咗伯南克別無他人。

因此,令到伯南克喺出年一月任期屆滿後,獲連任聯儲局主席嘅呼聲,大大提高。

網上博彩公司預測,伯南克成功連任嘅機會率,由今個月初嘅大約五成七,回升到七成。

彭博資訊嘅調查亦顯示,喺全球投資者嘅心目中,有七成半意見認為,伯南克係對抗金融危機第一人,並支持佢繼續連任聯儲局主席。

調查又顯示,喺全球傑出央行行長排行榜中,伯南克高據榜首。人民銀行行長周小川,亦榜上有名,僅次於英倫銀行行長「默文金」,排喺第四位。

留言

匿名說…
我不大明白cable TV 要邀请黄伟康作嘉宾,每次看到他的表现确实令人失望. 从 16,000点便叫人估货叫到今天也是一样.跟了他不要是失了很多机会或是输大钱 这个看淡很多人都有,但他的傲慢到了 19,600 还是叫人吃不消.
我听到很多 C 拉 听了他输了很多钱.
现在每次我看到他都要转台到 NOW. 一则可以避开他的影响, 二来可以看另台的看法.我衷心奉献各位不要听他,一见转抬. 看TVB 电视剧起码不会影响您的心情和有机会输大钱.
匿名說…
Yes, he ( Mr. Wong Wai Hong) is really bearish all year around.
I squared off half of my positions around 17,000 by listening to him.Those position were stop loss from 23,000.
What a pity to follow his view!!!
I prefer to switch to NOW to avoid the impact from him.

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將