思故人

七月三十一日,係一位經濟大師九十七歲冥壽。

回看返過去一年,如果佛利民仍然在世,金融海嘯會唔會不一樣?

好似一個星期前經濟學人嘅Cover Story都有講,經濟學家,特別係講求市場主導嘅芝加哥經濟學派,過去半年都一直被批評唔能夠預測金融海嘯出現,甚至乎係認為佢地需要為呢場災難負上責任。

而作為當中學術「泰斗」,佛利民嘅聲望可以話一瀉如注,反而當年被佢批評得最多嘅凱恩斯學派,就因為政府平預主義抬頭,而受到市場追捧,加上新凱恩斯主義代表克魯明、
獲得諾貝爾經濟學獎,佢一句話「過去三十年宏觀經濟學毫無改進」,就令人對佛利民學派更加無信心!

獅子山學會星期五就都搞左一個佛利民九十七歲冥壽研討會,其中一位講者大家都好熟悉,就係Cafe其中一位主持,科大雷鼎鳴教授。

雷教授擘頭就話,要為佛老大平反,因為伯南克根本唔係師承凱恩斯,而係照抄佛利民一套。

可能大家都太熟悉佛利民嘅貨幣理論,反而唔記得左,佛利民本身係以研究貨幣史而出名,佢亦都深入研究過大蕭條後政府角色,提出大蕭條並唔係市場失效 (Market Failure),而係政府同聯儲局政策錯誤。

佛老話,當年最錯係聯儲局不但沒有放鬆銀根,反而提出聯儲局應該要擔起「最後貸款人」Lender of Last Resort嘅角色,為金融機構提供資金,避免「擠提」出現,影響市民信心。

呢個正係伯南克的做法,喺舊年水深火熱期間,透過唔同機制,向銀行同金融機構大量注資,伯南克自己都講過、自己萬分唔願意咁做,不過實在係無得揀。

反而政府透過退稅呢啲措施,實際成效係有限,根本係改善唔到經濟。

咁雷教授又點睇近日興起嘅新凱恩斯學派?

佢話已經係一鋪清袋!

先講紐約大學教授「魯賓尼」,雷鼎鳴話對呢個人,「No Respect!」

原因係所謂「末日博士」,只係識得一味唱淡,當然講得多、總有一日會中! 但背後根本就無理論基礎。

最慘係近日經濟數據有明顯改善,魯賓尼已經開始唔夠自圓其說,但想改口風又唔知點改,變成而家立場「??玠玠」!

至於另一新凱恩斯主對靈魂人物「克魯明」,雷鼎鳴相當尊重佢作為國際貿易理論嘅權威,諾貝爾經濟學獎亦係表揚佢呢方面成就,不過講到宏觀經濟學,雷教授話,克魯明根本唔識!

其實邊個學派都唔重要,而家面對著歷史上前所有未有嘅扭曲經濟學現象,我地應該撇開門派之見,將貨幣同財政理論結合,避免再出現另一次泡沬大爆破嘅後遺症。

留言

Unknown說…
萬一青死不認衰.死撐到底 !
盡信書.不如無書 ! 無料 ! 無料 !
贈妳四字(四肢發達)
匿名說…
Buy 1919 on any dips
匿名說…
Buy 1919 on any dips-SC

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將