出入平安

一開預咗見兩萬,可惜,只係曇花一現。

有散戶話,四叔都講到明到兩萬就要減磅,佢地無奈都只有照跟。

我們走訪了四叔,他說今朝掂過二萬唔算數,要企穩先至算數。

四叔唔沽住,但散戶等唔切,獲利盤拖累早段由升過二百幾轉為一度倒跌。

廣告就話,股市反彈魚翅撈飯。

股市見兩萬,大閘蟹甩難。

舊年九月,恒指跌到二萬,四叔話抵,東哥更話合理,形成二萬點係超級蟹貨區。

事別十月,相信唔少投資者未開市已經諗著,係咪出貨,將蟹貨鬆綁了事。

二萬點果然一見即逝。

但原來背後大有故仔。綜合基金,賓卡,老牌經紀賽後檢討,今日市況係,散仔沽,大戶掃!!

綜合各方高見。恒指未升完,以估值上,依家恒指PE係十七點六倍,輕微高於平均十五至十六倍水平。

嫌盈利唔準,要睇P BOOK,依家係一點九六倍,亦較平均一點九倍高的多。

結論係,股市唔「平」,但未升夠,原因之一係,無大戶敢沽貨。

FUND 佬埋怨,佢嘅股票組合已經超重,現金水平幾乎零。

但收市計算,居然發現組合竟然落後大市。

細心會發現,原來愈高BETA ,愈無基本因素嘅股分,包括航運,出口股,都係大幅跑出,而呢的股分,唔單係佢,大部分基金持貨唔多。

資金苦無出路,而家完全唔敢沽!!

中環友講,下晝金管局接左兩舊錢,美金沽盤,買港紙,據講,正係對沖基金到港。似乎PARTY NOT OVER!

有老行尊話,細心睇過港交所今日嘅經紀買盤,部分係似曾相識嘅對沖基金御用牌仔。

再者,388成個星期走勢凌勵。按以過往比股市行先半步嘅狀態,升就升先、跌亦跌先,似乎後市的確會一番炒作。

睇埋黃金比率分析,恒指穿左18893點之後,下一步係21327點。

大行之中,目前最樂觀係22047,由大摩發出。

但依家資金市帶動,升穿二萬三都唔出奇。但記著一句,當市場最不理性嘅時侯,股市都去得...七七八八。

幾時爆煲,眾說紛紜。

財經演員話,睇美股,睇業績。

有人提到,按往績計,大型新股上市之日,就係股市爆煲之時。

換句話講,星期三金隅同中國建築A股一出,股市即縮?

總之睇好,定睇淡,由各位分析。可以送俾大家都係一句,出入平安!!

留言

匿名說…
Widsom told us that 22500 is on the card. It is a liquidity driven market & up market only small retreat at important level such as 20,000.
DO not unload it otherwise you will miss the boat.

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將