2009年7月16日星期四

驚嚇一分鐘

先有周一開市初段期指一分鐘內急插四百點。

周二中午一開市又見三千張期指抽高現貨指數一分鐘裂口上升二百點。

周三本以為無風無浪,原來收市又見一隻標智滬深三百,在幾個買盤推動下急升五成。

大家都知A股當日肯定無升五成。

到今天,又有隻316,有人用三百多萬元,尾市一分鐘不斷輸入低價沽盤,結果董生檔家族生意單日急跌三成多,股價幾乎回落到舊年十月低位。

問過東方海外,佢地自己都非常驚奇,重新公司基本因素未變,還稱是否錯盤。

是否錯盤當然容易核實,查過聯交所,盤過個經紀,都認唔係錯盤,但偏離如斯多價位實在令人費解。

過去有「勁假時段」時候,這種現象遇有發生,但今天要拿真金白銀出來造市,又有點匪夷所思。

一個可能解釋是撞岩要斬倉,不過要揀到尾市最後一分鐘先來斬,又要低如斯多價位,講出來都無咩說服力。

至於是否作場外對沖,也有這個可能,但碰巧幾日都要部署作如斯觸目對沖,又好像太過明目張膽。

據聞交易所近日有意將場外交易納入埋現有交易平台,但似乎中間有點難度,就算你可以將交易費用降低,但人家是否願意接受你監管?

其實近日市況淡靜,有心人要興風作浪,揀一些未平倉合約偏低的時候,以期指試一試個市況高低位,到底是否後市另有部署,大家可要留心。

當然作為監管機構,對於這些異動不容少觀,應盡快翻查交易紀錄,對任何偏離的交易應作出調查,盡快恢復市場信心。

3 則留言:

匿名 說...

SFC should really look into these & avoid the same happen again.

匿名 說...

我有個問題, 連續兩日有股票突然急升大跌
証(奸)會比人問到就話正常個別市場活動,第二日就話係錯盤, 自打咀巴.

好在呢兩隻野有牛熊証啫, 好似東方海外咁,一下插到廿一,二, 如果有熊仔咪打晒把, 第二日回復正常,點計先.

我覺得有人係度試探緊一d野,依家冇勁假時段,咪諗d手法出黎玩野,
呢d人一次搵一隻正股, 之後set定牛/熊証(call/put 輪)買賣位, 一兩分鐘急跌爆升
正股所費無幾, 衍生工具就好好搵,




証奸會成日都話有睇住市,但係我覺得佢地做過D咩保障投資人,

匿名 說...

你都傻的.....

唔通頂先明天上升四佰点,請你入貨??

要保障一定賺錢??

賭場....怕就唔好入市...好大風險...
D風打到啦..
做隻羔羊...等拿綜援

咩... 咩... 咩....
亞羊在....