大熱倒灶

所講PPIP,公私營合作計劃,經過近半年撓釀,終於出台。

包括「貝萊德」等九間基金管理公司,獲選參加合營公司,負責收購金融業有毒資產。

令市場意外嘅係,一早表態支持收購毒資產計劃嘅債券大王格羅斯、旗下嘅PIMCO,居然缺席,最終決定唔參與,就最令人意外。

想當日,格羅斯大叫「三贏」方案,事實上,這個方案他也是最早的始作俑人。

PIMCO表明理由係,有關計劃嘅設計同執行,會令合營公司前景唔明朗,但明眼人都心照,銀行既然都通過左壓力測試,加埋資本市場有改善,實際上可以出讓的有毒資產肯定唔會多。

既然都無機會,就索性參與寧願自己搵食好過。

至於獲選嘅九間管理公司有最多三個月時間,分別集資最少5億美元,加埋總額上限100億美金,投放到合營公司,財政部會投入同佢地股本一樣嘅資金之餘,政府仲會向合營公司
提供高達股本一倍嘅債務融資,即係話政府喺合營公司投資高達三百億美元。

呢間公司,將會向銀行收購商業按揭抵押證券,同非官方擔保嘅MBS,總值最多四百億美元。

當然這個額比起最初說的一萬億美元,已經是天與地。

蓋特納同伯南克都心知PPIP吸引力有限,不過就講明而家啟動計劃,係為日後市況一旦轉弱,而有所預備。

講到伯南克,出年一月底任期就屆滿,華爾街日報話,佢係咪再獲連任,好視乎蓋特納向總統奧巴馬嘅建議係點。

但報道話,白宮目前唔急於咁快決定,反而傾向睇下有無更合適人選,但唔代表伯南克唔會
獲連任。

白宮留意緊嘅人選,除左之前傳過嘅聯儲局理事耶倫外,仲包括前聯儲局副主席費格遜,以及白宮經濟顧問委員會主席「羅默」。

反而之前盛傳的薩默斯,因為為人過於囂張,可能大熱落馬。

網上賠率顯示,伯南克有六成機會連任,華爾街日報調查訪問左四十六名分析員,四十三個
支持佢連任。

但一旦經濟無預期咁好,伯南克連任機會,就會大打折扣。

原來到最後,都係睇個天。

留言

亞羊說…
咁市建局個班粉腸應要學學...

点樣去強收資產,定是"脂慘"...

咩... 咩... 咩...
匿名說…
Good speakers: 梁兆基, 孫柏文、李兆富 ,施永青, 張士佳,馮孝忠,李家祥

Neutral: 雷鼎鳴 ,曾淵滄,王永平,李永權,羅家聰,郭思捷,黃元山,邓声兴,藺常念

Bad Speakers:丁世民,沈振盈

Worst Sepeaker:黄伟康
匿名說…
部分感觉:
孫柏文:轻松幽默
張士佳:长短佳宜
雷鼎鳴:旅游专家
藺常念:係係係係
王永平:脂油担定
曾淵滄:手势多多
黄伟康:我唔排除...我唔排除....

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將