2009年7月7日星期二

錯晒

上星期係人都講緊美國失業率、升至八三年以嚟新高時候,有一個人,原來都唔係好關心呢啲數據?

美國副總統拜登星期日接受ABC電視訪問時,都仲係未搞清到底失業率係9%,定係9.5%,你話死唔死!

唔怪得諾獎得主克魯明,都笑呢位副總統「到底知啲咩」?同埋「到底佢幾時先知自己唔知啲咩」?

克魯明再一次提出,要盡快推出另一套刺激經濟方案,否則到2010年,都唔會有起色。

今次佢有知音人,奧巴馬嘅經濟顧問「泰恩」首次提出,有需要推出第二輪刺激經濟方案!

奧巴馬經濟復甦顧問委員會委員泰森話,雖然首輪刺激經濟方案有正面作用,但效力唔足夠,時間亦推出得太遲,因此建議政府應該要準備第二輪刺激經濟方案。

泰森話,經濟表現係比佢地最初評估時候差,

舊年以嚟美國損失嘅職位就高達六百五十萬個,比起政府估計嘅仲要多二百五十萬個,失業率亦升至百分之九點五,
係八三年以嚟最高。副總統拜登早前都承認,係低估左經濟衰退情況,佢地原本預期第一輪刺激方案,可以令失業率控制喺百分之八以內。

說的是五個月之前的事,都唔係好耐之前.......

泰森有個建議幾好,指次輪經濟刺激方案應該要學習中國,出手夠快之餘,以推動基建投資、可以更快帶動經濟復甦。

其實爭議唔止出現喺官方層面,分析員之間都有好大爭辯。

好似摩根士丹利提出,「量化寬鬆」貨幣政策維持大耐,會刺激通脹,因此聯儲局要盡快撤出。

不過高盛就話大摩根本係杞人憂天,直情係「錯晒」(All Wrong),佢地唔相信聯儲局會令到經濟「一團糟」(Totally screw up),要撤出量化寬鬆就最少有十個可行方法,而家最緊要係先救經濟。

2 則留言:

亞羊 說...

量化寬鬆....

好... 最起碼令股市上升...

收水... 股市下跌,....
茶樓都冇人坐....個市更靜..

遊行由一年一二次,改為每月一次,
再變為每天一次...
這是中國股市,淮升不能跌

咩... 咩.... 咩....

匿名 說...

Good speakers: Leung Siu Kei, 孫柏文、李兆富 ,施永青, 張士佳,馮孝忠,李家祥

Neutral: 雷鼎鳴 ,曾淵滄,王永平,李永權,羅家聰,郭思,黃元山


Bad Speakers:丁世民,黄伟康,沈振盈