殺熊無悔

有人形容,當市場連最後一個淡友都轉埋軚,股市就會陷入瘋狂,話口未完,呢個現象似乎出現左!

其實又唔使想得咁恐怖,因為都係一個資金市!

港股連升第五日,恒指最多升過七百點,衝破萬九大關!

指數升至近十個以嚟嘅高位。升市成交配合,係五個星期以嚟最多。五日累積升幅高達一成三,一共升咗二千二百幾點。

講到資金市,連上星期調高港股目標到兩萬兩千點嘅摩根士丹利認為,港股會繈續受惠內地資金過剩。

而最得益嘅會係喺兩地上市、而AH股折讓大嘅股分,同埋一啲內地投資者之前投資唔到嘅藍籌股。

大市升勢瘋狂,所以熊仔咪出現殺戮戰場!

全日有一百一十隻熊證因為觸及收回價,而即時死亡,係歷嚟最多。

要收番嘅恒指熊證有七十二隻,收回價一萬七千三百點,至一萬九千五百點。

國指熊證有五隻暫停買賣,收回價一萬一千二百點至一萬一千六百點。股分熊證有三十三隻暫停買賣。

大家記唔記得上周有兩日尾市期指有異動,當日大家都唔信是「昆」人入四局,今日終於證明是大挾淡倉,見熊殺熊。

應該為此招記名「殺熊無悔」!

轉睇返內地股市,股民形容股市陷入瘋狂期!

內地股市重上十三個月來新高,成交突破三千五百億,係兩年以來最多。

上證指數差唔多回補晒六月十號下跌裂口。

信心來自成交,係廿六個月以黎最多。

專家話已有過萬億貸款流入股市,擔心政策收緊,不過市場資金滿瀉,對壞消息通通免疫。

不過我地都係要清醒啲,市場其實係隱藏左唔少暗湧!

好似開市前銀監會就要求銀行、將撥備覆蓋率提高至一倍半,呢個講法同之前只係建議,有好大出入,仲要係喺年底前硬性執行!

收市後內地亦正式公布喺下星期日、就啟動創業板,接受公司上市申請,都係會增加股票供應。

似乎而家股民眼中,只係睇到利好消息,壞消息就全部睇唔到,唔怪得有人形容,仲有幾多咁恐怖嘅日子會來臨,正係反映又驚又喜嘅心態!

留言

匿名說…
我不大明白cable TV 要邀请黄伟康作嘉宾,每次看到他的表现确实令人失望. 从 16,000点便叫人估货叫到今天也是一样.跟了他不要是失了很多机会或是输大钱 这个看淡很多人都有,但他的傲慢到了 19,400 还是叫人吃不消.
我听到很多 C 拉 听了他输了很多钱.
现在每次我看到他都要转台到 NOW. 一则可以避开他的影响, 二来可以看另台的看法.我衷心奉献各位不要听他,一见转抬. 看TVB 电视剧起码不会影响您的心情和有机会输大钱.
匿名說…
Indeed, the comments of above writer is right. The performance of Mr. Wong is horrible. He seldom smile and looks uneasy all the time in front of the camera. He always try to steal the show but when compared with the host and the other guests, there is a big difference in terms of his comments, presentations and choice of words. There are many other guests that can be invited but why cable has to stick to him.-STRANGE!!!!!
匿名說…
I agreed no more that Mr. Wong should be out??

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將