2009年8月19日星期三

第十日,熊出沒

黑色星期一啱啱過左、市場又瀰漫住恐慌情緒,有網民形容係「散戶跑、私募閃、社保撤」。

上證指數失守二千八百點既心理關口,重挫投資者信心,兩市就有一百零六隻股分跌停板,

跌市元兇係地產板塊,六隻內房股分跌停版,星期二上市既光大證券最慘,第二日就跌停,連累半新股中國建築創上市新低。

分析員話限售股解禁大增,同新增貸款減少,繼續影響投資意慾,市傳單日就有119億人民幣流出股市。

面對股市重挫,中央由攻轉守。

中證監星期連夜加快基金審批、推動600億元護市,人行亦暫停連續七個星期微調操作,改為投放資金,就連中國證券報都發表社論,指A股仍然係理想投資領域。不過一切似乎都來得太遲。

今年內地股市用左七個月嘅時間翻左近一翻,但係由「動態微調」收緊信貸,到再出招穩定股市,只係幾個星期。

而內地股市更只係用左十個交易日時間,技術上已經變左熊市,正係反映政策市嘅波動難測。

內地一直有種講法係,近日跌市,係報復式下跌,股民為嘅係要迫中央正式表態,講清講楚貨幣政策不變!

呢種博奕論有個問題,就係假設股民會真金白銀攞錢出來輸,似乎又不大可能!

瑞信話,雖然A股較H股溢價,由七成,收窄到五成,但以合理市盈率計,少則跌多5%,多則一成半,個市先調整完。

花旗原本話,二千八百點應該頂得著,點知又係假象。花旗薜蘭就講明,

當前跌市,致命傷係本來源源不絕嘅銀行貸款,突然大幅縮水,令個市少左新資金之餘,內地投資者仲要四處班水。

內地投資者興一種玩法,就係以債冚債形式炒股,一旦水源被截,自然出現暴跌。

由於中央之前,實在太驚大量熱錢湧入,之前四出放風話係地下錢莊搞事,協助熱錢暗渡陳倉,所以攞左批地下錢莊祭旗。

點知,影響埋一批留港炒股嘅內地熱錢,突然間調唔番內地救亡,自不然係有骨牌效應。

5 則留言:

亞羊 說...

咁, 小心星期五....

轉角市.....
(國家機密)

咩... 咩... 咩...

匿名 說...

泄漏國家機密,要坐牢,小心您只肥羊给宰...

假如每个人都能只预直转角市,每个人都已经发达了?

我深信A股市场会很快见底,先回打横行后再创新高.因为政府也不想宽松货币政策前功尽廢.

匿名 說...

羊兄:
看起来您对国家很不满,不如您移民它乡罢了!!咩... 咩... 咩...
哈....哈.....哈......

匿名 說...

想重温昨晚華爾街速遞,請問有咩辦法?

匿名 說...

撻匙冇料到,棠哥何時歸.