國慶救市

內地股民興起講一句:「無壓就活,有壓就死」,

今朝開市本來都係一陣恐慌,原因溫爺爺終於出手,一句「有保有控」出台,仲唔嚇餐死!

好在收市都叫死唔去,不過大家愈嚟愈擔心,A股會唔會率先見頂?

我地試下綜合五大指標比大家做個參考。

首要、亦都係最易睇指標,當然係新增貸款,因為七月分新增貸款一回落,大市都即刻轉勢,其實都唔難理解,內地統計最少有兩成新增貸款係流入股市,一旦缺水後果可想而知,而家都傳緊八月新增貸款會進一步回落,呢個肯定係「指導性思想」。

第二個指標,唔喺內地,喺太平洋對岸嘅美利堅合眾國!

講緊係新華富時指數ETF嘅認沽合約,啱啱創出九萬二千幾張嘅新高,比起一個月前,足足增加左一倍,咁仲唔止,同買Call合約一比、買Put嘅多左九倍,反映連外國投資者,都開始部署睇淡!

另一個指標就技術走勢,今日都問過港版末日博士羅家聰,KC話,A股近日走勢的確係有啲唔對路,上證指數出現左向下突破「上升通道」,一觸及上升或下跌通道兩邊,走勢都會轉向。

不過KC都唔敢講實,佢話而家只係初步跡象,可能係「假熊」都唔定。

睇第四個指標,就係社保基金同保險資金持倉,因為佢地喺七月分率先減磅,大市已經即時轉勢。

有股民話,而家已經信報章嘅「指導思想」,反而係要睇實基金到底係「抄底」定「出貨」!

其實社保基金持股市值都係百幾億,保險資金加埋都係3000幾億,相對整個A股流通市值十萬億,其實係小毛見大毛,不過佢地係國家隊中堅成員,所以都係有以小博大、「攪亂」股市能力。

咁最後一個指標係咩?

國慶救市兵團!

股民最後寄望,係國家唔會容許國慶前出亂子,因為同京奧唔同,建國六十年係國家主權最大宣示,點可以衰比外人睇?

呢個其實真係一廂情願,比啲數據大家睇下,過去十年嘅十月分,內地股市跌多升少,跌夾咩足足有七次。

跌得最多個次,仲要係十年前、建國五十年,累積跌百分之四,所以國慶救市,都係講下算吧啦。

留言

匿名說…
國慶救市,唔係講下算,
依家跌極都唔落,
一到國慶, 一定升到爆橙!
匿名說…
我也有这个想法. 再者,毕菲特基金说股市现在才刚起步,重申本人只有少量股票.

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」