2009年8月12日星期三

財技總部

又到誠哥派成績表大好日子,有證券行本諗著趁無好消息,一於唱淡話和黃無法取得3G盈利,仲恐慌到話和黃要蝕錢。

咁就太睇少李生,賣資產呢幾年都係佢翻身絕技,雖然和黃賣下賣下都無咩好賣,不過唔好忘記下面仲有唔少「細嘢」可以出售。

就係靠住和電以近107億港元,出售以色列業務,令市場憧憬和黃可以收到特別股息,刺激股價可以逆市上升!

其實一切一切都係為左長和分業績。

解決3G、仍然喺和黃多年嚟放唔開嘅任務。話說誠哥,同打工皇帝講,音樂係緊要,但係正職,應該係做多幾單大deal先真正!

因為咁多年嚟,和黃先賣水,再賣碼頭。到最後,連絕招都出埋!

和電國際。呢隻原本係新興電信市場旗艦,近年就成為和黃財技總部,佢地呢兩年嚟,連番不尋常動作,令市場無限揣測!!

和電07年先賣印度業務俾Vodafone,令阿媽套現二百幾億,較早前拆埋香港業務,今日連以色列都放棄埋,嚟緊亦會賣埋泰國。

和電剩番嘅係無咁值錢嘅印尼,斯里蘭卡,同越南。

講到呢度,故事仲未完。

舊年底,和電突然向股東派七蚊特別股息,當時全世界以為係益和黃,但熟識和電人士指,七蚊股息,就係俾和電股東最後報答,七蚊以後,和電會成為和黃工具,大有後著。

的確,大派特別股息之後,和電先拆香港業務,賣埋以色列,和黃攤佔盈利有近5億8千萬美金左右。

但關鍵其實一切為和黃3G。3大大話話,八年嚟,年年重傷,和黃好想盡快解決佢,奈何,市況唔係差,就係和黃叫價高,賣唔到好價。

之前承諾嘅未經撥備稅前盈利,今年恐怕又落空!

分析界大膽揣測,和黃決定求人不如求己,用細仔和電幫手解決3,即係將隻3最終注入和電。

和電已經成為半殼股,絕對有條件可以成為3借殼上市對象。

以估值計,雖然整個歐洲3,以折現現金流計,值9百幾億。但分析員話,如果用EV,即係企業價值計,只係值3,4百億港紙。

要食3G,和電最簡單係大幅批股,咁樣做有個好處,就係日後和黃喺和電持股量會攤薄到少於7成,和電唔再係和黃聯營公司,帳目上正式分家,3G再蝕,都唔會令和黃蝕入肉,大可以增加返派息。

3 則留言:

匿名 說...

说得太对.
人谁无过,最重要是懂得认错.
看很多moneycafe的嘉宾说的大声, 但是一味固执己见,还叫你继续落踏.这些嘉宾不请也罢.

匿名 說...

人工高,不及HKMA高.
还有,早年跟他们开会,他们的arrogance,可另你吃不消. 不止这样,他们真是无料到. 他们还是早点退休罢啦.

匿名 說...

Yes, have the same view as the writer above.
Also, I worked for a bank which have regular contacts with HKMA. The staff there are arrogant and think they are superior. The people told me to hang us my pride at the door before entering the meeting with them.