財演

看到柏文「夫子自道」,居然有咁多支持者,再次證明有實力的人,「是最漂亮的」!

不少批評指柏文是一名"財演",既然自己睇錯市比錯貼士,被人炒魷也是理所當然,怨不得人。

"財演"一詞到底出自何處? 數番上大概是原復生02年、在信報的專欄原氏物語為始作俑人。

敝台作為最早邀請證券分析員上來、答觀眾Phone-in,大概都有些資格對"財演"發下言。

蔡先生當年有一個理據,支持他的"財演"無料到說法,就是好嘢無理由益人地,有好料都自己買左先,因此免費的財經意見,肯定是毒草居多!

我們只是想澄清一點,就是對於一些我們尊重的分析員,雖然出手不高,但可以肯定是有回報的,因此那些建議絕非是免費午餐。

對"財演"的另一批評,是經常聽完唔知佢講左什麼,那些模稜兩可的建議,什麼"可以等高位先放,不過下面一定要放止蝕位"、或者"值搏率""合理價"等等。

不錯這些無料到的分析,現在仍有出現在某些分析員口中,但經過咁多年汰弱留強,其實市場早有公論,邊個好、邊個唔好,大家心中有數。

分析員有時基於一些自己的假設、已看錯了市,我們欣賞的、反而是願意承認錯誤的人,人誰無錯,可以堅持自己獨立分析之餘,能總結錯誤經驗,再能夠向前看的人,才能得到別人認同,柏文肯定是其中一人!

試問又有誰敢公開講"一注獨贏""一注獨沽"? 單是那分膽量已叫人折服。

我認識的柏文與其說他是財演,我覺得他更像一個經濟師。不要忘記,他掛著另一帽子正是獅子山學會研究總監。

其實各位如果唔鐘意唔LIKE咪唔想聽,又無人強迫你睇電視睇Blog讀報紙,大可以不收不看樂得耳根清淨,又何需自找(找人)煩惱?

留言

匿名說…
Are you referring to Andrew (Suen)?

We do need info and commentaries from people like him to lead us to view things from other angles.

Upkeep the good job, Andrew!
匿名說…
Pak Man is rich of knowledge, may be a got a big library in Apple Daily to support him. No matter, without him, Money Cafe loses its shine. For other talkers, come on....just 吹水唔抹咀. 可以当笑话听.
Unknown說…
財演與否,大家各自判斷

只想講一句:「睇錯市」,每個人都做過,有甚麼大不了,睇錯邊,最多止蝕,有甚麼大不了?

香港,這個散戶炒賣天堂,我諗,大家都知道什麼叫止蝕,問題是有無執行。

財演會睇錯?有什麼出奇?看錯邊,止蝕後檢討後,再來炒過...

Losing is part of the game..!

孫先生的分析,為觀眾提供多一個角度,擴闊大家眼界。同意他的意見與否,是自由選擇。但千萬不要人身攻擊。繼續堅持理性討論。
匿名說…
睇野唔好咁表面,聽野唔好咁單面,演釋誇張唔係問題,但要有的放矢並才可長遠留住觀眾。留得言的當然係節目fans,但不能假設已反映晒大部分觀眾意見同觀感,因為唔buy呢套的早就已轉台或根本唔會來呢個blog。板主睇野亦宜多點客觀。除非貴台節目打算繼續現狀,並不打算更進上一層樓,否則何不打開耳朵,聽聽其他人意見?

"其實各位如果唔鐘意唔LIKE咪唔想聽,又無人強迫你睇電視睇Blog讀報紙,大可以不收不看樂得耳根清淨,又何需自找(找人)煩惱?" 這些說話很sensational,難度貴台真係想趕客?我行我素當然有"台風",但有時唔好take it too personal,接納意見都係藝術,作為一個咁成功嘅財經節目,係咪更應以此作為改善同進步的動力。

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」