2009年8月10日星期一

名利兩難存

股市升勢,外界有種講法係由高盛炒起。

一句講曬,搵錢叻。無論係企業文化,定係員工目標,都係一個錢字!

眾所周知,高盛第二季盈利破記錄,係眾所周知佢地交易收入有升,但到底叻成點!

就係每日賺一億美金! 根據最新資料,第二季65個交易日,高盛有46個交易日,每日賺一億。

而第二季入面,有9成時間,佢地最少都每日剩袋5千萬美金。

以舊年全年計,佢地日賺一億嘅日子有90日,換言之今年第二季,已經超過舊年一半。

至於四至六月分,高盛要輸錢嘅,只有兩日。

高盛搵錢之迷,華爾街成為討論熱點,有部分話佢地既使升格做銀行,仍然依然固我,繼續高風險投機。

公道的講法係,高盛睇市準,第二季成功預測危機已過,股市見底,成為佢地啦跑贏大摩幾條街嘅原因。

圈中人亦話,高盛年底已經儲貨,三月底正式轉軚睇好股市。相反行家大摩後知後覺,到七月先全面改觀。

不過名利就難以兼得!高盛贏得「厚利」同時,就輸左名聲,最近有一個品牌調查就發現,高盛嘅聲名反而比唔上大摩。

而高盛備受批評係借助政府救市發大財,最近更牽連到美國前財長保爾森身上。

保爾森被翻舊帳,話佢偏私、喺舊年救市計劃中,"放生" 美國國際集團AIG,背後最大得益者,正正就係佢嘅舊公司高盛。

舊年9月14日,雷曼倒閉,兩日後,美國政府同意注資AIG。

紐約時報報道,曾經出任高盛行政總裁、當時係財長嘅保爾森,喺決定拯救AIG期間,先後二十次同高盛行政總裁布蘭克費恩通電話,次數遠遠超其他公司。

保爾森當時其實有要求就佢同高盛之間嘅利益衝突、取得豁免令。不過,保爾森舊年9月16日朝早、即係美國政府決定注資AIG嘅當日,同17號、先後同布蘭克費恩傾過六次電話,都係喺豁免令發出之前。

而根據記錄,喺舊年9月16號到21號期間,兩人傾過24次電話,而07到08年,保爾森喺取得豁免嘅情況下,同布蘭克費恩傾咗26次電話。

美國政府同意注資850億美元拯救AIG,高盛係最大受益人,因為佢同AIG簽定咗總值二百億美元嘅信貸違約掉期合約CDS,如果AIG倒閉,佢哋就收唔到錢,結果佢哋可以收返130億美元。

雖然不斷有人指摘高盛攞政府錢繼續豪賭,等於有錢自已袋,有事就政府孭!

亦因為指摘實在過分,高盛決家還拖!!

佢地財務總監話高盛就算舊年咁差市況,都完全無生存危機嘅問題,更加完全未試過涉臨死忘
嘅感覺。

高盛高層話,佢地賺錢多,只係係幫客戶交易,自已坐盤交易,只係佔總收入一成,並唔係好似外界所講,係靠炒。

1 則留言:

匿名 說...

If we say Goldman is a money printing machine, rather we say it is a protected institutions and grow to the size nearly to oligapoly in the trading market.
The traders inside are just take advatnage of the market positions rather their own skills to spin the money. If these traders are to join the other bank or FI, I am very sure they can't survive for a month. So, their bonus to their performance are inproportionate.