2009年9月14日星期一

第一波

PIMCO 董事總經理,When Markets Collide 作者El-Erian講過,喺去年九月十四同十五號兩日,大部分人根本唔知道發生緊咩事,甚至天真到以為政府係可以控制大局。

其實真正講到引起金融海嘯第一波嘅人、唔係求先講嘅八大行「頭頭」,亦唔係保爾森同伯南克,而係一個七十幾歲嘅老人家。

呢位老伯叫Bruce Bent,佢旗下嘅貨幣市場基金「The Reserve Primary Fund」,先至係金融海嘯真正源頭。

因為佢隻貨幣基金,成為第一隻面值跌破一美元嘅貨幣基金,牽連其他基金出現「骨牌式」崩潰,之後嘅Story 就唔使多重複。

話說九月十四日阿Bruce,原來唔喺美國,同夫人去左羅馬慶祝金婚紀念。

由於佢檔Fund借左625億美元比雷曼,大部分都係買入所謂短期商業票據,結果喺雷曼公布破產後、即時想出售呢批票據,但發現已經變得一文不值,而喺雷曼破產後十三小時,因為未能應付一百八十億美元贖回要求,陷入財政困難。

到九月十五日下午五點,當消息出現喺外電時,海嘯喺個一刻,已經開始淹沒一切。

即使喺海嘯後一年,目前阿Bruce仍然面對龐大訴訟,相信難以保持全身而退。

想當日,保爾森同伯南克明白要千方百計力保銀行,可惜就係計漏左貨幣基金,因為傳統上呢啲基金被認為係安全投資,無人諗過金融系統已經發展到一環扣一環,根本就係火燒連環船。

1 則留言:

亞羊 說...

別要開心得太早...

我國都有隻....草泥馬...

都跑得幾勁...

又貪得...

咩... 咩... 咩