開車Feel

今日睇著港股,直情有重覆當年「直通車」開車FEEL。

內地下晝一話放寬合格境外機構投資者額度,港股即時顯著抽升!收市升超過五百點,以點數計,係六星期嚟最大升市。

不過,QFII係外資資金入去買「國貨」,同QDII 由內地居民流出去買港股,基本上都完全唔同,唔通市場聽錯?

有兩個解釋:
1. 內地A股已經收市,資金唯有湧入港股「買定先」,等內地A股開市先「割禾青」。

2. 第二個解釋可能近磅啲,就係開放左QFII後,當局都會相應開通番「合格境內機構投資者」額度,避免過量熱錢流入!

過去一年幾QDII都係陷於停頓,今年五月時候曾經有消息,話外管局就QDII徵集意見,不過最後都無新消息。

其實早前外管局分司嘅一個座談會,都透露左玄機,當時已經定下工作目標,就係要致力于完善QDII同QFII管理辦法。

中央要維持股市穩定發展,唔止靠言論,措施都即時有調節。

外管局就發表文件,尋求調整合格認可境外機構投資者,即係QFII制度嘅意見。

其中包括建議,將單一機構投資者、投資喺內地嘅額度,由八億美元,增加到十億。

投資嘅鎖定期亦建議縮短,除咗中長期以外,一般機構投資鎖定期係一年。

至於保險、開放式基金,鎖定期就只係三個月。

外管局又提出,單一合格投資者,每次申請額度唔可以少過2千萬美元,但外管局可以根據經濟金融形勢、外匯市場供求關係,同國際收支狀況等因素調整相關額度。

高盛胡祖六話,QFII推出咁耐,效果都理想,相信今次調節、喺近期內地市咁唔明朗、同波動大嘅情況下,可以大大提升投資者信心,有助穩定市場發展。

截至舊年底,外管局已經批出一百廿八億美元QFII額度。根據內地媒體統計資料顯示,喺今年第二季,QFII投資嘅內地股票市值,達到394億元人民幣,比第一季顯著增加近5成,上證指數喺第二季大幅上升兩成。

市場預期,當局下一步、仲會再放寬埋QDII投資額度。

睇番今次加大QFII額度,內地對措施反應都係相當熱烈!

始終股市跌左咁多,大家都希望可以有更多「維穩」措施。

新浪網即時做嘅調查就發現,有六成半人認為QFII意義重大,有六成四嘅人更指,有助紓解股市擴容嘅壓力!

不過中金公司首席經濟師「哈繼銘」就話,只係睇成「托市」,想法就太狹隘,相反佢認為今次係人民幣長遠改革重要一步,可以加強資本嘅跨境流通。

咁就當我狹隘,任總都成日都強調要「資金融通」,即係有入就有出,我都係保留一個樂觀希望!

留言

匿名說…
胡曼清在Aug 27 09的730 关于任总的文章说网友应明人不做暗事及不应放暗箭.看来此言差了. 她的说法虽然没有直指一班Money Cafe Blog fans,但她已另忠实感言的fans撤退!!试问她经常挂在咀边的"出来行,预左要还"的硬道理往那里去呀!!!-KK
匿名說…
为什么Money Cafe 所有主持和被邀请的嘉宾上台请谈或被访问全都是淡友. 而好友则避拒诸门外. 每天晚上不是这个看淡就是那个看股市向下.

我深信港股最近的表现有一部分原因是Money Cafe 每天唱淡令一部分投资者却步.因为Money Cafe 已积累了差不多90 万的客户,这个力量确实不少.

看来 Money Cafe 的主要主持和幕后的mastermind 想唱淡股市后入市.- BT

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將