2009年10月9日星期五

大熱?

世事無奇不有。

奧巴馬大冷爆出,取得諾貝爾和平獎。

不過真的如此冷門嗎? 我總係覺得,奧巴馬當選後,世界比起布殊和平得多......

以賠率計,奧巴馬一賠十八,雖然遠低於胡佳賠率,不過都總不算太冷吧?

至於今屆邊個係諾貝爾經濟學獎? 金融海嘯後,金融市場新秩序,亦令得主誰屬更備受關注。

要實用,理論,同創新三方面都要俱備。全球咁多經濟學家,要揀,都幾難!

舊年克魯明爆大冷,今年不少人再接再勵,再貼一批極具機會攞獎嘅經濟學者。

先看由Ladbrokes所作的 賠率預測。

大熱,一賠二有芝大的Eugene Fama。

佢被認為是Father of the efficient market theory,最簡單解釋就是決定資產價格的理論。

一向以準確預測揚名的教授Hubert Fromlet,話 Fama既有優勢亦有不利因素,有利的當然是過去一年全世界一窩蜂要找Model決定有毒資產價格。

不過數學模型是假設人是理性,當然金融海嘯告訴我們這個絕非事實。

至於其他熱門尚有哈佛的Robert Barro,以及創出S&P Case Schiller樓價指數的 Robert Schiller。

前者是近年學說再次受重視的諾獎得主Robert Lucas的同門New Classical Macroeconomics代表人物,賠率是一賠七。

至於因為看不過眼、認為全美都沒有一個具指標性樓價指數,決定自行研究的Schiller,亦因為提早對次按作出警告,而受到市場注目。

而佢去年整理有關文章,編輯而成的"The Subprime Solution: How Today's Global Financial Crisis Happened, and What to Do about It",亦深入分析了次按的來籠去脈,很值得一看。

至於路透亦揀左幾大熱門,包括蘇黎世大學嘅Ernst Fehr,同加州伯克來嘅Matthew Rabin,屬於行為經濟學攞獎嘅熱門人選。

但零二年,已經有同系學者獲獎,估計未必咁快再有份。

另外兩名大熱係耶魯大學嘅「諾德豪斯」,同哈佛嘅「書茨曼」,兩人都係環境經濟學代表人物,所謂環境經濟學,就係利用經濟理論,點樣達致環保目標。呢門經濟學,近十年嚟相當流行,每年都有人貼環境經濟學會有代表獲獎,但每年都落空。

至於最後三位大熱,分別係史丹福大學「泰勒」,西班牙嘅「加利」,同紐約大學嘅「格特勒」。三人都係新凱恩斯貨幣學派嘅高手。

理論背後係假設市場失效,所以提倡政府,同市場力量兩者令經濟達致均衡點。

三人之中,格特勒係伯南克喺學術界老拍檔,兩人撰寫多分論文,強調設定目標通脹率嘅重要性。

要數食正金融海嘯,要數JOHN TAYLOR可能係大熱中大熱。

今年六十三歲。評論話,佢一手將新凱恩斯學派推向高峰,佢早年成就包括重組整個IS-LM MODEL,近廿幾年,就專注研究貨幣政策,特別用學術理論,解構央行點決定利率,今年最早加息的以色列央行行長「費沙」亦同佢一齊做過研究。

泰勒成名之作,就係佢創立嘅TAYLOR RULE,呢條公式,係假設名義,同實質通脹以及經濟水平,去計算合理利率水平。

泰勒舉例解釋,當預計通脹係百分之一,利率就需要調高1.5個百分點。如果預測經濟收縮1%,就應該減息半厘。

全球央行中,澳洲、加拿大,新西蘭都公開承認,有參考呢個公式。

偏偏,佢老友格林斯潘,任內無參考TAYLOR RULE。

雖然係朋友,泰勒對格老毫無留情批評。年初佢親自報章撰文,批評格老大幅減息,造成資產泡沬,而零八年伯南克亦過分減息,遲早出事。

下星期一會答案!

沒有留言: