2009年10月29日星期四

自律

對於樓市,大家都諸多質疑,包括跳層係咪有誤導?天價係咪真?

今日四叔親自一一回應。

曾俊華話關注一手樓成交,同信息透明度問題,希望業界自律。

李兆基再次回應,話入則時,已經同政府講明,天匯八十八樓,其實係46樓。

不過既然政府出到聲要自律,唔好發放假料,四叔話日後會跳少幾層。

對於過7萬蚊呎成交,李兆基話價錢千真萬確,自己唔車大炮,外界遲下可以查。

陳啟宗上星期講過,豪宅成交價唔可信,李兆基話,佢專登問過陳啟宗係咪講緊天匯,對方回應話唔係喎.....

除咗落禾沙落實補地價外,恒基亦公布買入九個項目,合共可建樓面94萬平方呎。

四叔話,大家唔駛驚供應斷層,如果政府效率快啲,私人住宅會好多供應至真!

佢計比大家聽,單係落禾沙,已經有3000個單位,仲未計其他發展商嘅貨。

四叔仲話,如果政府再出手,分分鐘會供應過多,反而會跌價。

聽左四叔咁多言論,我有個印象就係都幾「片面」!

講下我地關注、四叔又未解答問題:
1. 四叔口中話豪宅可以推動資金流入、有利經濟,事實上係片面講法,因為由豪宅引發嘅資產泡沬,肯定係有更大為禍。

2. 至於講到政府真係效率快啲、補地價又好似發展商如願咁低啲,係咪代表供應真係會多啲?!

九十年代即使年年賣地,一樣咪發展商囤積嘅問題? 最後益左又係邊個,值得大家諗諗!

1 則留言:

pakman 說...

I think Uncle 4 had to respond.

Because when the most capitalist show in Hong Kong (Money Cafe) is against your business decision (yes, calling it 88th floor is a business decision)

You have to find a way to back down.