2009年11月3日星期二

聯儲局的炒房


聯儲局今日開始議息,一旦決定退市,成敗關鍵,唔喺伯南克身上。

而係一班紐約聯邦儲備銀行、市場部嘅幕後員工。

呢個可以話係聯儲局「盤房」嘅工作小組,有400名員工,辦公地點係紐約聯邦儲備銀行九樓,主管係小組負責人Sack。

WSJ今日有專文,介紹現年39歲薩克,佢平日負責帶領呢個小組,透過買賣票據,證券維持市場利率穩定。

唔好睇少佢,華爾街日報話,佢係聯儲局明日之星。

而伯南克可以話係薩克嘅師傅,04年薩克只係聯儲局一個寂寂無名嘅經濟師,但獲伯南克邀請,同佢作合著一篇論文,題目係聯儲局嘅角色。

薩克之後離開聯儲局,改投普林斯頓大學教書,正係伯南克呢個百樂,薩克接受邀請,重返聯儲局。

薩克檯頭,有多個退市備用方案,師傅一有指示,佢就會即時執行。

負起抽走市場過百億資金嘅重任,薩克話,絕對有信心稱職。

佢較早前,已經聯同摩根大通,同紐約梅倫銀行,測試逆向回購安排嘅電腦系統。

薩克備受重用,聯儲局公開市場委員會,一開始通常由佢向委員匯報金融市場表現。

上個月,委員就寬化寬鬆政策爭論不休,有委員更提議加碼,原來係薩克一語定音,認為要遂步退市。

沒有留言: