順風車

啱啱先講完,話股市同經濟差先至係自己嘅好朋友,又話如果只係識得跟據眼前嘅經濟表現、嚟決定投資,將會係最大嘅錯誤。

巴菲特再次用行動證明自己言行一致。

跟據巴郡提交比美國證監會嘅文件,巴菲特喺第三季增持左多間公司股權,包括喺經濟愈差、失業率愈高時候銷售就愈好嘅沃爾瑪,佢增持左總值八億七千萬美元股分,持股量係增加左九成。

另外巴菲特亦都持有一百二十八萬股埃克森美孚、同三百四十萬股雀巢股權。

至於被佢評為一生人最失敗嘅投資、Conoco Phillips就繼續減持。

不過講到佢至愛,除左新收購嘅鐵路運輸公司Burlington外,相信都要數富國銀行。

巴菲特曾經形容、如果一生人只買一隻股分,佢會毫不猶疑揀富國銀行,佢喺第三季、就增持左三點六個百分點股分。

有人計過,如果由31年前跟巴菲特投資,同樣嘅組合帶比你每年有兩成半回報,跑嬴同期標準普爾一倍。

不過巴菲特都知自己影響力大,為免太多人「搭順風車」,原來佢會向證監會申請豁免,可以唔披露一啲特定股分持股量。好似喺第二季,巴郡就無披露已經持有埃克森美孚。

事實上,睇好銀行業前景唔止巴菲特,被稱為「沽神」嘅約翰保爾森,喺第三季亦都增持左三百萬股花旗股權,同首次披露投資左喺摩根大通身上。

不過都唔係個個都睇好銀行股、好似喺舊年預言銀行爆煲嘅分析員惠特尼Whitney,就話目前銀行股價過高、過去一年嚟從未試過而家咁悲觀。

留言

匿名說…
剛啱睇呀青姐狂串d盲炳, 真係好好笑!!!

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」