各施各法

經過一場金融海嘯,相信大家都同意最差情況已經過去。不過而家問題係、點樣面對退市後遺症?

資產泡沫、高通脹、樓價高企,呢啲問題全世界都熟口熟面,亦都係每個央行行長最頭痛問題,有央行好似澳洲同挪威選擇加息,有地區好似係內地、南韓同新加坡,就以行政措施壓抑資產升值,巴西就選擇向外來投資收取增值稅。

各施各法,目的都是希望解決資產泡沫的風險,咁香港呢?

除左見到特首話唔想見到樓市泡沫外,似乎都無咩動靜....齋講居多?!!!

反而一啲外人仲緊張,國際貨幣基金組織就非常關注本港資產價格高企,呼籲特區政策要有對策,包括增加土地供應。

基金組織一年一度本港經濟評估報告中指,本港資產價格升勢,係由資金帶動,同基本因素背馳。更警告本港可能面對極高資產價格通脹壓力。

金融海嘯嚟,超過5千億熱錢,流入本港銀行體系,十月分,流入金額更係今年最多。

基金組織話,一旦全球寬鬆政策逆轉,本港資產市場會好波動。

佢地呼籲特區政府需要有對策,包括增加土地供應。

但大家都知,我地又無貨幣政策、用利率、貨幣供應調節都行唔通,在聯匯制度下,現時問題好難解決,最慘會係一啲低收入市民,無可避免會成為左犧牲者。

留言

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」