平反Baby

東亞就發行五億美元、混合一級資本債舉行股東特別大會,有小股東批評,八厘半嘅票據息率過高,問點解唔以供股方式,提升資本。

李國寶股東會被質,一怒之下,爆出「唔鐘意,就沽東亞」,聽落完全係莫視小股東權益,唔願意聽相反意見!

但深層拆局,我地認為值得還李國寶一個公道!!

寶哥哥中文差,表達能力弱,詞不達意之外,有留意股東會上佢表現,其實Baby都盡力解釋股東疑難!

股東發難重點,係唔供股,反而發債券俾八厘息,完全唔值。

問題就喺度。東亞供股,李家股權分散,加上有國浩隨時搞事,無論供股定批股,技術上唔可行,寶哥無講大話!

至於今次全亞洲首創嘅Hybrid note,混合式票據,表面好高息,但問題係年期長之餘,票據條款對派息有好大限制,即係持有人,承受好大無息派風險。

有留意今日挑戰李國寶嘅股東,離離去去得一人,而且熟口熟面,似乎應該更加客觀判斷!

東亞集資獲通過,佢同郭令燦亦化敵為「友」!

近日無論國浩,定東亞,都相稱對方係朋友!敵意收購,似乎暫時平息!

似乎,西環介入後,馬拉決定暫時將東亞列社被動性策略投資,好好部署,再決定下一步!

但國浩錢多,馬拉資金要繼續搵獵物,結果....

結果傳到,話國浩近日市場大手掃民生??!!

信不信由你。

留言

losing loser說…
此留言已被作者移除。
losing loser說…
要玩 farlanjar,就唔好學人上市,或者唔好做主席,或者學哨牙佳咁,玩龜縮,縮入個視象芒裏面.

中文唔好都係理由?整啞自己咪無問題咯.

公道?食得鹹魚抵得渴咯.匯控地位比東亞高N倍,股東惡十倍,班 management 都係坐定定比人插.

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將