2010

時間倒數返年初,相信無幾多人可以準確預測到、09年金融市場有咁戲劇性變化。

經濟學人提出,如果三十年代係稱為「大蕭條」,咁2009年就應該稱為「大穩定」年代,就係靠住政府出手刺激經濟,令恐懼變成樂觀。

咁2010年?

華爾街日報提出,美國經濟會有百分之三增長,係兩年來最好,已經足以推動失業率回落至金融海嘯前水平。

其中最好環節會係資本開支,至於樓市銷售雖然有改善,但斷供惡化,過期還款既按揭升至百分之九點六。

退市仍然係最大不明朗,高盛就預測美國救市措施會持續,可以推動上半年經濟增長兩個百分點。

經濟學人就話,二零一零年先至係真正危機既一年,原因係經濟復蘇基礎仍然脆弱,經濟不平衡、資產泡沫,以至主權債務違約風險都被市場忽視。

要真正復蘇,經濟學人提出兩個條件,一個係發達國家要提出真正可行、同具誠信既削減財赤計劃,以減少市場對「主權債務」既風險,同避免長期利率飊升。

另一個就係中國要願意付出代價,下定決心加快人民幣升值,咁先可以應對新興市場資產泡沫問題。

問題係,點解又要中國犧牲?

要數悲觀可以睇下、金融時報專欄LEX既預言,佢地唔係預測2010年,而係估十年後,美股只係會「打過和」,相反日本股市就有本事可以翻身一倍。

而包括中國在內既新興市場,十年後會大跌一半。

你信唔信?

留言

亞羊說…
今年可能"拉鋸之年"

升吓又回....
升市去沽,跌又入貨..

好未 ??

明天又入大價股....

但願各位今年賺到錢!!
我去養羊,耕田

咩.... 咩.... 咩....
匿名說…
陳亨利終於出blog:

http://blog.wenweipo.com/index.php/uid-6511-action-spacelist-type-blog

http://blog.sina.com.cn/chenhengli0377

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將