2010年1月11日星期一

怒炒行長

喺瑞士今個星期舉行既巴塞爾結算銀行年會上,包括伯南克在內既中央銀行家,傾既議題將唔再局限喺退市、利率呢啲話題上。

似乎他們更要傾的、是怎樣保持全球中央銀行家既獨立性。

叫人吃驚的是阿根廷總統克里斯蒂娜,面對外債高企時,在想無可想之下,居然想動用66億美元外匯儲備,償還部分喺今年稍後到期嘅外債。

好在仲有個央行行長雷德拉多撐著,不願意就範,結果卻觸怒了政府。

克里斯蒂娜上周簽署緊急法令,解除雷德拉多嘅職務,指佢違抗政府政策,行為不當、同疏忽職守。

不過聯邦法院星期五,就將克里斯蒂娜嘅決定全盤推翻,裁定恢復雷德拉多嘅職務,法院又禁止克里斯蒂娜動用央行外匯儲備。

阿根廷之外,普遍估計會首個加息既亞洲國家南韓,近日政府派出官員出席央行既例行會議,呢個情況過去十年嚟都未發生過。

即使係歐洲央行,目前除左要面對成員國好似係希臘既負債問題外,歐元不斷升值亦惹起政治不滿,法國總統薩爾科齊上星期就公開表示不滿央行表現,指歐元過高會削弱競爭力。

同樣面對政治壓力,有日本同英國央行。

啱啱舊年十一月,就有內閣批評日本央行好似「訓著覺」,期後央行突然推出十萬億日圓定息操作,就係視為受到政府壓力。

而上星期英倫銀行延長量化寬鬆時間,亦被為為首相白高敦六月選舉做勢。

喺近代最著名既中央銀行對抗政治壓力,要數喺79年至87年任聯儲局主席既沃爾克,當年佢為左對抗通脹,一下子將利率推高至二十厘,惹嚟當時總統列根不滿,甚至要將佢撤職。

3 則留言:

亞羊 說...

睇下今年亞陳生會一次過加幾多厘先??

咩... 咩... 咩...

匿名 說...

估唔到你地可以容忍到那位股壇阿叔喺節目入面大賣廣告,只能寫個「服」字

MoneyCafe 說...

唉.....都唔知講咩好.....
駡得好......