2010年2月12日星期五

年關難過

牛年將盡,阿爺似乎覺得大家呢個新年唔夠驚喜,當大家以為可以過個肥年,冷不防到周五就加存款準備金率,都只可以講一句:「阿爺,真係估你唔到!」

見到外圍「漏油又漏金」,直情連行花市買桃花既心情都無晒!

新增貸款增長過快,人行決定再出手收緊銀根,春節假期前,調高存款準備金率零點五個百分點,由百分之十六加至十六點五,係過去一個月以嚟,第二次上調存款準備金率。

上調存款準備金率後,市場預計可以喺市場抽走三千億元人民幣。

內地一月銀行新增信貸近一萬四千億人民幣,佔左全年貸款目標一成八,反映信貸增長過快。

人行日前表示,來緊會按情況、增加政策針對性同靈活性,保持經濟平穩較快發展、調整經濟結構同管理通脹預期,同時定出今年廣義貨幣供應量M2增長,控制喺兩成以內。

有留意近日通脹數據都知,事實上在食品價格回軟下,目前整體通脹壓力並不大,因此可以斷言,今次調高準備金率,肯定是沖著信貸而來。

內地抽緊銀根消息令商品價格全線跌,資金再次流入美元。美匯指數突破80點7,係七個月高位,澳元更恐慌跌穿88美仙,跌超過一百點子。

本來稍有反彈的歐元,直落到去1點353水平,油價、金價都跌超過百分之一。

油價跌穿74美元,金價更大跌!

但有分析認為,人行上調存款準備金率零點五個百分點,唔應該視為全面緊縮行動。

事實上,春節假期前,市場流動資金量一般較多,人行四個星期已經累積注入近七千億元,是創出紀錄新高,因此今次準備金率上調,係針對資金回籠,唔認為應視人行舉動係徹底緊縮政策。

但話說回來,其他地區已開始退市措施,內地資金氾濫問題更嚴峻,相信退市步伐,會比其他地方更重。

年關難過,各位自己執生,祝大家虎年進步!

2 則留言:

亞羊 說...

都唔係...

坐了廿幾粒鐘回英國睇d羊仔,
D羊毛隻隻長滿毛..待天暖後剪...

早排借了英磅,水位都幾高..現在還,賺都超過二成... 一

仲有,個D對沖基金沽空歐元,幾十億wor,
估吓一鋪殺哂的話,個D豬即肥..
(亞羊並非指個D大陸豬)

若果早前買貨坐艇(指大股)的話,
根據(國家機密)相信三月將反彈之期.

咩... 咩... 咩....

亞羊 說...

壞消息出盡,

GOOD NEWS COMING!!!


咩... 咩... 咩....